Олы кайгы көне. Мәтам көне. 🤲🏻 — 10 августа 2026 г. в 10:51:44.104
Олы кайгы көне. Мәтам көне. 🤲🏻 Йөрәкләр сыкрый, җаннар әрни. Бүген без барыбыз да тирән кайгыда. Бу авыр көндә без ошбу дөньядан киткән якыннарыбызны, милләттәшләребезне искә алабыз. Татар халкы һәрвакыт бердәмлеге һәм авырлыкта бер-берсенә ярдәм итүе белән аерылып торган. Аллаһ Тәгалә Коръәндә әйтә: «Иннә лилләһи вә иннә иләйһи раҗигүн» (Без барыбыз да Аллаһныкы һәм Аңа кайтачакбыз). Бу дөнья — вакытлыча гына сыну урыны. Иң мөһиме — Раббыбыз каршына иман белән барып басу. Мәрхүмнәр өчен уртак догабыз: ・ Я Раббым, бүген дөньядан киткән иманлы кардәшләребезнең гөнаһларын ярлыка. ・ Каберләрен оҗмах бакчаларыннан бер бакча кыл, тарлык күрсәтмә, нур белән тутыр. ・ Кылган барлык изге гамәлләрен, намазларын һәм яхшылыкларын кабул ит. ・ Кимчелекләрен яшер, хаталарын гафу кыл. ・ Киләчәк тормышларын, ахирәтләрен бу дөньяларыннан мең тапкыр хәерлерәк ит. ・ Аларны оҗмахның иң югары дәрәҗәләренә — Фирдәвес җәннәтенә керт. Якыннарының кайгысын уртаклашу: Бу олы югалтуны кичергән гаиләләргә, туганнарына Аллаһ Тәгалә күркәм сабырлык (сабрун җәмил) бирсен. Авыр чакта сезне берүзегезне калдырмасын, җаннарыгызга тынычлык бирсен. Сезнең кайгы — безнең уртак кайгы. Кадерле дин кардәшләребез! Бүген мәрхүмнәрнең рухына Әл-Фатыйха, Йәсин һәм ихлас сүрәләрен укып, исемнәрен атап дога кылыйк. Дога — безнең алар алдындагы иң зур бурычыбыз. Раббыбыз барыбызны да кайгылардан, бәла-казалардан сакласын. Амин. @Иң кирәкле догалар