МОЛИТВА ЦАРЯ Иоанна Грозного (Васильевича) перед Казанским походом 1552 года — она назы...
МОЛИТВА ЦАРЯ Иоанна Грозного (Васильевича) перед Казанским походом 1552 года — она называется «Моление Царьское»: «О Владыко премилостивый Христе, помилуй раб Своих! Се время прииде милости Твоея, се время! Подай крепость на съпротивныя рабом Твоим! Помилуй, Милостиве, помилуй падшихъся раб Твоих, Человеколюбче! Възстави в благо и плененых сирых свободи, пошли, Милосерде, милость Свою древнюю свыше, и разумеют погании, яко Ты еси Бог наш, на Тя уповающе побежаем. И Ты, о Пречистая Владычица Богородица, умоли рождьшагося ис Тебе Христа истиннаго Бога нашего, да не помянет грехов моих и беззаконий великых, елико съгрешил есми пред величеством славы Его, но помилуй мя великиа ради милости Своея! Ты, Владычице, помощница нам буди и всему воиньству нашему, на Тя надеющеся, не посрамимся в бранех молитвами Твоими и всех святителей Рускых чюдотворцов и сродников наших, молитвенников и помощников на съпротивных.»