Депутатскай бастакы депутата
Депутатскай бастакы депутата Мария Владимировна Лебедева 1916 сыллаахха Силээннээх нэһилиэгэр төрөөбүтэ. Кини баара-суоҕа 16 саастааҕар «Ыччат ыллыга» табаарыстыба толору бырааптаах чилиэнинэн буолбута уонна аҕа саастаах дьону кытта тэҥҥэ үлэлээбитэ. Соруйуллубут дьыалаҕа үтүө суобастаах сыһыанынан, общественнай үлэҕэ көхтөөх кыттыыны ыларынан, ханнык да үлэҕэ толлон-чаҕыйан турбатынан биир дойдулаахтарын убаастабылын ылбыта. Аҕа дойду Улуу сэриитэ саҕаланыытыгар эдэркээн кыысчаан баҕа өттүнэн сылгыһытынан үлэлии барбыта. Үрдүк эппиэтинэстээх сорудаҕы чиэстээхтик толорбута. Кыайыы буолбутун нөҥүө сылыгар Мария Владимировна бастакы правительственнай наҕараадатын – «Аҕа дойдуну көмүскүүр Улуу сэрии 1941-1945 сс. килбиэннээх үлэтин иһин» мэтээли ылбыта. Сиһилии: https://заря-яны.рф/deputatskaj-bastaky-deputata/ @channel_zarya_yana @ulusmedia