Үүнүү үктэлин олугун охсубута
Үүнүү үктэлин олугун охсубута Киһи барахсан Орто туруу-бараан дойдуга олорон ааһар кэмин устатыгар, били биһиги түҥ былыргы өбүгэлэрбит этэллэринии, балык дириҥ ууга, онтон киһи үрдүк, киэҥ сиргэ талаһар идэлээх. Мин эмиэ онтон туора турбатаҕым. Уһук Хотугу Усуйаана улууһун “Дьааҥы сардаҥата” оройуоннааҕы хаһыатын эрэдээксийэтигэр сахалыы таһаарыыга эрэдээктэри солбуйааччынан сүүрбэччэ сыл кэриҥэ үлэлээн баран, этэргэ дылы, айар-суруйар идэ бастакы сүһүөх түһүмэҕэр буһан-хатан, кииллийэн, уопутуран баран сир уларытарга быһаарыммытым, бэйэбин уруккутааҕар быдан үрдүк таһымнаах үлэҕэ боруобалыырга санаммытым. Онуоха эбии ити кэмҥэ күн сырдыгын көрбүт соҕотох кыыһым Валерия Депутатскайдааҕы орто оскуоланы үрүҥ көмүс мэтээлинэн бүтэрэн, Дьокуускайга финансовай-экономическай институт үһүс куурсугар ситиһиилээхтик үөрэнэ сылдьара уонна ону этэҥҥэ бүтэрдэҕинэ, киин куоракка үлэлии хаалар баҕалааҕа. Онон 2000 сыллаахха, ол эбэтэр саҥа үйэ саҕаланыытыгар урукку үлэбиттэн баҕа өттүбүнэн уурайан Дьокуускайга көһөн кэлбитим. Сиһилии: https://заря-яны.рф/үүnүү-үktelin-olugun-ohsubuta/ @channel_zarya_yana @ulusmedia