ТААТТАҔА АНАНИЙ АНДРЕЕВ ҮБҮЛҮӨЙДЭЭХ ТЭРЭЭҺИНЭ
ТААТТАҔА АНАНИЙ АНДРЕЕВ ҮБҮЛҮӨЙДЭЭХ ТЭРЭЭҺИНЭ 🇷🇺Бөдөҥ судаарыстыбаннай диэйэтэл, САССР коммунальнай хаһаайыстыбатын наркома, сахалартан бастакы үрдүк үөрэхтээх инженер-теплоэнергетик Ананий Андреев төрөөбүтэ 125 сылыгар Таатта улууһугар киэҥ хабааннаах үөрүүлээх тэрээһин ыытылынна. Саха Республикатын ОДЬКХ ГУП генеральнай директора Виталий Семенович Чикачев салайааччылаах республика бары улуустарын ОДЬКХ филиалларын директордара бүгүн Тааттаҕа кэллилэр. Үөрүүлээх тэрээһиҥҥэ улуус баһылыга Айаал Бурцев, улуус мунньаҕын бэрэссэдээтэлэ Петр Максимов, Ытык Күөл баһылыга Егор Павлов, Дьохсоҕон баһылыга Валентин Охотин, улуустааҕы ОДьКХ, РЭС үлэһиттэрэ, ветераннара, Дьохсоҕон нэһилиэгин олохтоохторо, ыҥырыылаах ыалдьыттар кыттыыны ыллылар. Дьохсоҕоннооҕу норуот айымньытын дьиэтин туруоруутугар Ананий Андреев олоҕун оҥкулларынан "Улуукан уолбут - хоодуот хотойбут" диэн дьүһүйүүнү тэрээһин кыттыылаахтара олус сэргии көрдүлэр. СР Национальнай архыыбын докумуоннарын наукаҕа туттуу отделын кылаабынай архивиһа Вячеслав Сергеевич Сивцев Ананий Кононович устуоруйа чахчыларыгар олоҕуран үлэтин-хамнаһын сырдатар иһитиннэрии оҥордо. Улуус баһылыга Айаал Семенович Бурцев бэлиэ күнүнэн ОДЬКХ үлэһиттэрин эҕэрдэлээн туран, Ананий Андреев саха норуотугар сүдү суолтатын тоһоҕолоон бэлиэтээтэ. ОДЬКХ ГУП генеральнай директора Виталий Семенович Чикачев Ананий Андреевы үйэтитии үлэтэ салҕанан бара турарын этэн туран, бу хайысхаҕа сүҥкэн үлэни ыытар ОДЬКХ түмэлин сэбиэдиссэйигэр Галина Егоровна Арылаховаҕа тус махталын биллэрдэ. Коммунальнай хаһаайыстыба эйгэтигэр Ананий Андреев аата өрүү үрдүктүк тутуллуохтаах диэн этиитин тэрээһин кыттыылаахтара "ГУП! ГУП! УРАА!" диэн үс төгүл хаһыытаан бигэргэттилэр. Бу үөрүүлээх күҥҥэ ОДЬКХ үлэһиттэригэр, Ананий Андреевы үйэтитиигэ кылааттаах учууталларга, библиотекарьдарга улуус, республика таһымнаах наҕараадалар туттарылыннылар. Тэрээһин дьүһүйүүнэн саҕаланан баран, театрализованнай хоһооннорунан туруоруунан түмүктэннэ. //Сиһилии "Таатта" хаһыат кэлэр нэдиэлэтээҕи нүөмэригэр тахсыаҕа. @taattagazeta @ulusmedia
Канал в каталоге Максиметера
672 подписчиков · Новости