🍂🍁АЛАМПА КӨМҮС КҮҺҮНЭ — 30 сентября 2026 г. в 23:55:10.512
🍂🍁АЛАМПА КӨМҮС КҮҺҮНЭ 🛑🍂Өксөкүлээх Өлөксөй аатынан Дьохсоҕон орто оскуолатыгар бүгүн биир дойдулаахпыт, саха литературатын төрүттээччилэртэн биирдэстэрэ, талааннаах суруйааччы, поэт, драматург, сатабыллаах салайааччы, саха тыйаатырын бастакы дириэктэрэ Анемподист Иванович Софронов-Алампа төрөөбүтэ 140 сылын көрсө "Алампа көмүстүүрэ күһүнэ" хоһоон ааҕыы түһүлгэтин Булгунньахтаах алааһыгар тэрийэн ыыттыбыт. Биһиги тэрээһиннэрбитин куруутун сэргэх кэпсээннэринэн, муударай сүбэлэринэн киэргэтэр бэтэрээн учууталларбыт, үгүһү билиэн-көрүөн баҕалаах үөрэнээччилэрбит, оҕо үүнэрин-сайдарын туһугар бииргэ айа-тута, үлэлии сылдьар кэллиэгэлэрбит алаас уола Алампа барахсан хоһооннорун дорҕоонноохтук аахтыбыт, үйэлэргэ умнуллубат ырыаларын күргүөмүнэн ыллаатыбыт. Уус Алдан улууһун Мүрү орто оскуолатыттан ыкса сибээстээхтик бииргэ тутуһан үлэлиир биир идэлээхтэрбит кыттыбыттара, улуу суруйааччыбытын истиң тылынан ахтыбыттара, хоһоонун аахпыттара, ылласпыттара олус үөрүүлээх, долгутуулаах түгэнинэн буолла. Айылҕабыт көмүс дуйданан турдаҕына хоһоон ордук иэйиилээхтик ааҕылларга, ырыа өссө иһирэхтик иһиллэргэ дылы гынна. Тэрээһин кыттыылаахтара бары олус астынан, махтанан тарҕастыбыт. ✍️Мария Сивцева @taattagazeta @ulusmedia