"НОВЫЕ ГОЛОСА" БЫРАЙЫАК МУҤУТУУР КЫАЙЫЫЛААҔА — 4 октября 2026 г. в 00:26:30.352
"НОВЫЕ ГОЛОСА" БЫРАЙЫАК МУҤУТУУР КЫАЙЫЫЛААҔА Балаҕан ыйын 3 күнүгэр “Новые голоса" өрөспүүбүлүкэтээҕи саҥа ааттары таһаарар күрэс түмүктүүр түһүмэҕэр 20 ырыаһыт талыллан күрэхтэспититтэн Туора Күөлтэн Мария Кузьмина🌟муҥутуур кыайыылаах буолла.😍👏🏻👏🏻👏🏻 Кыыс чахчыта да удьуора тардыытынан, куолаһа күүһүнэн кыайыан кыайда. Дьүүллүүр сүбэ Марияттан сахалыы ырыаны акапельно ыллыырга көрдөстө. Уонна уһулуччу үрдүк профессиональнай таһымнааҕын бэлиэтээтэ, кыыс ырыатыттан бэйэлэрэ да наһаа үөрдүлэр. Оттон кэнсиэр тэриллиитэ, уота-күөһэ, буруота-тараата, экран туттуллуута, үҥкүүнэн доҕуһуоллара ырыаны кытта биир кэлим көстүүнү көрдөрөн, көрөөччүнү кэрэ эйгэтигэр киллэрии олус күүстээх буолла. Онно үлэлии сылдьар дьону көрдөххө, барыта эдэр оҕолор сүүрэ-көтө, үлэлии-хамсыы сылдьалларыттан, бэйэ-бэйэҕэ үтүө сыһыаннарыттан, саҥа проект кэскиллээх суолу тутуспутуттан киһи өссө астынар. Онон Тааттаттан өссө биир талаан чочуллан таҕыста, саҥа аат ааттанна - Мария Кузьмина! 📹#соцситим @taattagazeta @ulusmedia