🕊️"ТУЛЛУКТАРДЫЫН ЭРГИЛЛИЭМ" СЫРДЫК ЫРА САНАА СКВЕРЭ ТААТТАҔА
🕊️"ТУЛЛУКТАРДЫЫН ЭРГИЛЛИЭМ" СЫРДЫК ЫРА САНАА СКВЕРЭ ТААТТАҔА Алтынньы 8 күнүгэр Таатта улууҺуттан анал байыаннай дьайыы кыттыылаахтарыгар анаммыт, ППМИ бырагыраамматынан тутуллубут "Туллуктардыын эргиллиэм" диэн сырдык ыра санаа скверэ арыллынна. Бу үтүө дьыала чэрчитинэн анабыл хоҺоон суруйуутугар күрэс биллэриллибитэ. Бүгүн кыайыылаахтар, Александра Жулева - СуҺума, Антонина Андросова уонна Владислав Аргунов бастыҥ хоҺоонноро куйаарга көтө дуорайдылар. Бу дьоҺун күн улуус Аҕа баҺылыга, анал байыаннай дьайыы кыттыылааҕа Айаал Бурцев, Таатта нэҺилиэгин баҺылыга Егор Павлов, интернационалист-буойун Владимир Колотинскай, ыаллыы сытар Чурапчы улууҺун бойобуой дьайыы түмсүүтүн салайааччыта Семен Жендринскэй, Украинаҕа госпитальга Саха сириттэн үлэлиир, волонтер Агафья Слепцова, Россия Геройа Родимир Максимов ийэтэ Варвара Максимова үтүө тыл эттилэр, эйэлээх олоҕу баҕардылар. Георгий Матаннанов ырыатын доҕуҺуолунан тэрээҺин кыттыылаахтара туллук бэлиэтин сквер күрүөтүн тула иилэн көтүттүлэр. Дьоллоох олох туҺугар охсуҺа сылдьар биир дойдулаахтарбыт, буойуттарбыт этэҥҥэ эргиллэн кэллиннэр диэн баҕа санаабытын тиэрдэбит. @taattagazeta @ulusmedia