Куйаар ситимигэр үксүгүт көрбүккүт буолуо, Октябрьскай нэһилиэк дьаһалтата быыбар баста...
Куйаар ситимигэр үксүгүт көрбүккүт буолуо, Октябрьскай нэһилиэк дьаһалтата быыбар бастакы күнүгэр бырааһынньыктыы дьаарбаҥка тэрийбитин. Атыы-кутуу, ырыа-тойук уонна .... кэлбит дьону барыларын арыылаах-сыалаах тотоойу мип-минньигэс ҮӨРЭ МИИНИНЭН күндүлээбиттэрин. Амсайбыт эрэ барыта хайҕаабыт, онон үөрэ миинэ үөрүү күнүн бэлэхтээбит. Ыраах Убайаан олохтоохторо ватсап нөҥүө көрөн тэрийээччилэри хайҕаан бөҕө, олох уруккулуу Быыбар күнэ буолбут диэн. Арай ... сэргээбит-хайҕаабыт сахалыы-махалыы мииммит интэринээт-дьиэ олохтоохторугар буруолуу сылдьар соһуччу кэһии буолан тиийэн кэлбэтэ дуо?! Үөрэ миинин туохха да бэриллибэт ураты сыта аһыыр сирбитин толорон кэбистэ, ону кытта Үөрүү тыына тулабытын толорон кэбистэ. "Иэхэйбиэн!" - диэн саҥа аллайан эрэ хааллыбыт! Саха ыалын сиэринэн аҕам саастаахтары Быыбар күнүнэн эҕэрдэлээн кэһии ыыппыт Октябрьскай нэһилиэк аҕа баһылыгар Семен Александрович Корякиҥҥа истиҥ махталбытын биллэрэбит. Торумнаабыккыт туола турдун, саҕалаабыккыт сатаннын, өрүү үөрүү үктэллээх, ситиһии аргыстаах буолуҥ! #выборы2026 #НюрбинскийДИПИ #үөрэмиинэ