👩🏻⚕️ Бүгүн Ньурбатааҕы киин балыыһа иһинэн үлэлиир медколледж филиалыгар саҥа үөрэх ...
👩🏻⚕️ Бүгүн Ньурбатааҕы киин балыыһа иһинэн үлэлиир медколледж филиалыгар саҥа үөрэх дьылын көрсө тиис бырааһын идэтигэр үөрэх арылынна. Үөрүүлээх тэрээһиҥҥэ Дьокуускайдааҕы медицинскэй колледж дириэктэрэ, РФ үтүөлээх бырааһа Дмитрий Алексеевич Афанасьев анаан кэлэн эҕэрдэлээтэ, устудьуоннарга Студенческэй билиэттэрин туттарда: Нэһилиэнньэҕэ тиис бырааһын идэтигэр үөрэх салаата улуус баһылыга Алексей Иннокентьев, Ньурба к. баһылыга Геннадий Игнатьев, кылаабынай быраас Артем Ксенофонтов дьаныардаах, ситимнээх үлэлэрин, күүстээх туруорсууларын түмүгэр саха сиригэр бастакынан арылынна - диэн бэлиэтээтэ уонна кинилэргэ үлэлэрэ үтүө түмүктээх буолбутунан, олус наадалаах идэлэри Ньурба олохтоохторо дьиэлэриттэн ырааппакка баһылыылларыгар төһүү күүс буолбуттарыгар туһулаан махтанна. Быйыл барыта 3: фельдшер, сиэстэрэ уонна тиис бырааһын идэтигэр 55 устудьуон үөрэнэ киирдэ. 10 сыл тухары медколледж Ньурбатааҕы салаатын 197 идэтийбит медик бүтэрдэ. ✍🏻 Лена Петрова 🔗 Сиһилии "Ньурба" хаһыат кэлэр нүөмэригэр ааҕыҥ.