Балаҕан ыйын 28 — алтынньы ый 3 күннэригэр Октябрьскай нэһилиэккэ Дьокуускай куораттан ...
Балаҕан ыйын 28 — алтынньы ый 3 күннэригэр Октябрьскай нэһилиэккэ Дьокуускай куораттан Григорий Гаврильевич Попов салалталаах “Сахалыы эмтиир киин” Ньурбабыт улууһугар кэлэн үгүс дьону эмтээн, тустаах дьоҥҥо миэстэтигэр кэлэн үгүс көмөнү оҥордулар. Кинилиин кэпсэтиибин тириэрдэбин. — Григорий Гаврильевич, бу “Сахалыы эмтиир киини” хаһааҥҥыттан үлэлэтэҕин, бэйэҥ тускунан сырдатыаҥ дуо? — Идэбинэн врач-хирург, травматолог-ортопед, үрдүк категориялаах, 50 сыл стажтаах быраас буолабын. Кэлиҥҥи 30 сыл сахалыы эмтиир ньыманан дьарыктанабын. Республика бары улуустарынан сылдьан саха норуота эмтэнэр ньымаларын сиһилии үөрэттим уонна мустум. Ол үлэбинэн Россия норуот эмтиир профессора аатын көмүскээбитим. Кулун тутар 26 күнүгэр 2022 сыллаахха Дьокуускай куоракка бу «Сахалыы эмтиир киин» арыллан үлэлии турар. — Ханнык ыарыылары эмтиигит? — Сүрэх-тымыр ыарыыларын, хаан баттааһыныгар, варикоз, сис, илии-атах сүһүөхтэрин, инсульт кэнниттэн турукка туһалыыр эмтээһиннэри ыытабыт. — Бэйэҕит медик идэлээх киһи сахалыы эмтиир ньыма доруобуйаҕа дьиҥ туһалаах эбит диэн хаһааҥҥыттан саҕалаабыккытый? — Өр сыллаах кэтээн көрүү, үөрэтии кэнниттэн тыйыс айылҕалаах сиргэ олорор дьоҥҥо аҥаардас медицина эрэ тутаҕын өйдөөбүтүм. Сүрүннээн хааннааһыҥҥа уонна түөннээһиҥҥэ тохтообутум. Уруккуттан ити эмтээһин ньымалара туһалаахтара биллэллэр эрээри, нэһилиэнньэ киэҥ араҥатыгар сөп түбэһиэ, барсыа дуо диэн ыйытыы турара. Хааннааһын чахчы туһалааҕын тус бэйэм эппинэн-хааммынан билбитим. Бу ньыма ыарыылары профилактикалыыр. Ол курдук, кэлин биһиэхэ тэнийбит инсульт, остеопороз курдук, о.д.а. ыарыылары сэрэтэр, тохтотор. Холобур, кэлин йодтаах аһы аһыыр буоламмыт зоб диэн суоҕун кэриэтэ буолла. Хааннааһын ити тэҥэ буолар. Бу курдук, “Сахалыы эмтиир киин” Ньурбабыт улууһугар аҕыйах күҥҥэ кэлэн үлэлээбитигэр элбэх киһи сырытта, доруобуйатын көрдөрдө, эмтэттэ, сүбэ-ама ыллылар. Матрена Захарова кэпсэтиитин саайтка сиһилии ааҕыҥ: https://xn--90adptbcs3gya.xn--p1ai/%d2%afg%d2%afs-do%d2%a5%d2%a5o-emteen-k%d3%a9m%d3%a9-buollular/ @gazetanyurba @ulusmedia