Бүген, 8 октябрь көнне, Апас аграр көллиятендә Өлкәннәр ункөнлегенә багышланган Корбан ...
Бүген, 8 октябрь көнне, Апас аграр көллиятендә Өлкәннәр ункөнлегенә багышланган Корбан ашы узды. Мәҗлестә мәртәбәле кунаклар катнашты. Көллиятнең директоры Илгизәр Әнис улы бәйрәм белән тәбрикләп, барлык ветераннарыбызга изге теләкләрен ирештерде. Чарада Апас муниципаль районының Авыл хуҗалыгы һәм азык-төлек идарәсе башлыгы Радик Ринат улы Гисматов катнашты. Ул көллият коллективының район үсешендәге ролен һәм нәтиҗәле эшчәнлеген билгеләп үтте, район җитәкчелеге исеменнән изге бәйрәм белән котлады. Мәҗлескә шулай ук «АгроАктив» берләшмәсе җитәкчесе Фәрит Рамис улы Рәхимов та кушылды. Ул үзенең ихлас теләкләрен җиткереп, барлык катнашучыларны бәйрәм белән тәбрикләде. Өлкән ветераныбыз, көллияттә озак еллар директор вазыйфасын башкарган Хафизов Абдулла Габбас улы да көллиятнең заман белән бергә атлавын, яңа сулыш белән яшәвен билгеләп үтте. Район мөхтәсибе Мирхәд хәзрәт тә өлкәннәрне бу күркәм бәйрәм белән тәбрикләп, вәгазь сөйләде. Аллаһ ризалыгы өчен чалынган корбанга Коръән укылды. Үз чиратында, күркәм мәҗлескә җыелган ветераннар да үзләренең рәхмәт сүзләрен җиткерделәр. Алар яшьлек елларын искә алып, хәтирәләр белән уртаклаштылар, шулай ук көллият җитәкчелегенә һәм оештыручыларга күрсәткән зур ихтирамнары, җылы кабул итүләре өчен чиксез рәхмәтләрен белдерделәр. #Минпросвещения #Росдетцентр #НавигаторыДетства #НавигаторыДетстваСПО #КомандаВоспитанияРТ #Апастовскийаграрныйколледж #Апастово