Тиһэх чуораан уонна бастыҥнары чиэстээһин — 27 мая 2026 г. в 07:26:31.539
Тиһэх чуораан уонна бастыҥнары чиэстээһин Ыам ыйын 26 чыыһылатыгар биһиги оскуолабытыгар тиһэх чуораан уонна бастыҥ үөрэнээччилэри чиэстээһин буолла. Быйылгы үөрэх сылыгар алын сүһүөҕү 11 (кылаас салайааччыта Захарова Валентина Егоровна), орто сүһүөҕү 11 (Борисова Виктория Гаврильевна), оскуоланы 8 үөрэнээччи (кылаас салайааччыта Федорова Наталья Афанасьевна) бүтэрдэ. Кинилэр истэригэр бааллар: араас таһымнаах олимпиадалар, конкурстар, оһуохай, ырыа-тойук күрэхтэрин, сылын аайы ыытыллар улуустааҕы выставка-ярмарка, Профессионалы чемпионат, уран тарбахтаах уустар, "БУДУЩИЙ ДИПЛОМАТ" күрэх улуустааҕы түһүмэҕин дипломаннара, араас спортивнай күрэхтэр призердара уонна кыайыылаахтара, “Эрэл” үҥкүү ансаамбылын үҥкүүһүттэрэ, Саһыл-Сыһыы музейнай комплекс экскурсоводтара, араас таһымнаах научнай – практическай конференциялар кыайыылаахтара, улуус, “Маска” театральнай студия артыыстара, байыаннай-патриотическай күрэхтэһиилэр кыайыылаахтара, республика таһымнаах тэрээһиннэр солбуллубат волонтердара, “Тарбаахаптыы астыаҕыҥ” улуустааҕы күрэххэ ситиһиилээхтик кыттыбыт минньигэс астаах уолаттар, Ил Дархан гранын хаһаайката. Күн бастакы аҥаарыгар Тиһэх чуораан үөрүүлээх линейкатыгар ыалдьыттаатылар: Амма улууһун аҕа баһылыгын тутууга уонна инфраструктура сайдыытыгар солбуйааччы Виктор Владимирович Смирников, улуустааҕы үөрэх салалтатын куттал суох буолуутун уонна транспорынан хааччыйыы салаатын салайааччытыгар Саргылаана Кимовна Назарова, Абаҕа нэһилиэгин баһылыгын эбээһинэһин толорооччу Александр Павлович Дьячковскай, ветеран –учууталлар, төрөппүттэр. Ыҥырыылаах ыалдьыттарбыт үөрүүлээх быһыыга-майгыга бастыҥ үөрэнээччилэргэ грамоталары, Махтал суруктары туттардылар. Ол курдук Виктор Владимирович үөрэххэ үрдүк ситиһиилэрин, актыыбынай позициятын иһин 11 кылаас үөрэнээччилэригэр Стручкова Даринаҕа, Конникова Айлаанаҕа, Өр кэмнээх үтүө суобастаах үлэтин, үрдүк профессионализмын, ыччаты үөрэтиигэ үрдүк кылаатын иһин физкультура учуутала Федорова Наталья Афанасьевнаҕа, химия учууталыгар Борисова Виктория Гаврильевнаҕа Амма улууһун Аҕа баһылыгын Махтал суруктарын, физическэй культура уонна спорт сайдыытыгар кылаатын иһин 11 кылаас үөрэнээччилэгэр Карпов Василийга, Осипов Николайга физическэй культура уонна спорт сайдыытын салалтатын Махтал суруктарын туттартаата. Саргылаана Кимовна үчүгэй үөрэҕин, актыыбынай позициятын, үөрэхтэрин, спортка, начнай, общественнай үлэҕэ көхтөөхтөрүн иһин 11 кылаас үөрэнээччилэригэр: Ефимова Уйгуунаҕа, Осипов Николайга, Попова Даниелаҕа,Карпов Василийга, 9 кылаас үөрэнээччилэригэр Атласов Викторга, Васильева Алисаҕа, Колесов Айаалга, Сутаков Артемҥа, Конникова Екатеринаҕа, төрөппүттэргэ Конникова Татьяна Романовнаҕа уонна Габышева Галина Владиславовнаҕа, дириэктэри иитэр үлэҕэ солбуйааччы Дьячковская Анна Васильевнаҕа, профориентолог Текеянова Вера Владимировнаҕа улуустааҕы үөрэх салалтатын Махтал суруктарын туттартаата. Александр Павлович улууска эдэр ыччат хамсааһыныгар көхтөөх кыттыытын иһин 11 кылаас үөрэнээччитигэр Стручкова Даринаҕа Ыччат политикатын салататын Махтал суругун уонна нэһилиэк, оскуола олоҕор көхтөөх кыттыытын иһин 11 кылаас үөрэнээччитигэр Сивцев Артемҥа Абаҕа нэһилиэгин администрациятын Махтал суругун туттарда. Оскуола директора Людмила Кимовна нэһилиэккэ, улууска ыытыллар араас тэрээһиннэргэ көхтөөх кыттыыларын иһин 11 кылаас үөрэнээччилэригэр Конникова Айлаанаҕа, Ефимова Уйгуунаҕа, Попов Арсеҥҥа, 10 кылаас үөрэнээччилэригэр Устинова Жанеттаҕа, Анисимов Дьулустааҥҥа, Николаев Алексейга, 9 кылаас үөрэнээччитигэр Яковлев Робертка Махтал суруктарын туттарда. Маны таһынан Абаҕа оскуолатын нуучча тылын учууталар Семенова Алена Васильевна 8 кылаас үөрэнээччилэригэр тимуровскай үлэлэрин иһин Махтал сурук, Устин Нохсоороп аатынан Абаҕатааҕы Духуобунас киинин специалиһа Попова Евгения Николаевна Стручкова Даринаҕа Духуобунас киинэ ыытар араас тэрээһиннэригэр чаҕылхай кыттыытын иһин Махтал сурук туттартаатылар, Кайдалов Николай Спартакович саҥа тэриллибит “Тэтим” вокальнай-инструментальнай ансамбыл