Хүндүлүг хоочуннарывыс база пенсия назылыг чонувус!
Хүндүлүг хоочуннарывыс база пенсия назылыг чонувус! Делегейниң улуг назылыг кижилер хүнү-биле байырымны хүлээп ап көрүңер! Бо дээрге салгалдарның чаңгыс демининиң болгаш уламчылаашкынының, үелерниң харылзаазының байырлалы-дыр, олар чокта кижи төрелгеттенниң амыдыралы турбас. Боттарының эрес-шудургу күш-ажылы-биле бистиң кожуунувусту, республикавысты база суурларывысты хөгжүткен кижилерни бөгүн алдаржыдып турар бис. Төөгүнүң дыка хөй болуушкуннарының херечизи болуп, аар-бергелерни чурт-биле кады ажып эртип, бистиң төрээн чуртувустуң хөгжүлдези дээш бүгү күжүңерни берип келген силер! Улуг салгалдың кижилерин бо хүнде алдаржыдары дээрге амыдыралчы болгаш ажыл-ишчи өртээ турбас күш-ажылыңар, чогаадыкчы ижиңер, чаагай сеткилиңер болгаш эриг баарлыг чорууңар дээш өөрүп четтириишкинниң хензиг кезээ-дир. Силерниң дыка хөйүңер ам-даа ажылдавышаан, хөй-ниити организацияларының ажыл-чорудулгазынга, аныяктарның патриотчу кижизидилгезинге, чогаадыкчы ажыл-херектерге идепкейлиг киржип турар. Силерниң чаагай сеткилдиг болгаш ажыл-ишчи чүректериңер биске деткимчени болгаш билиишкинни, шыдамык чорукка болгаш ынакшылга, күш-шыдалга болгаш сагыш сеткил көдүрлүүшкүнүнге үлегерни көргүзүп турар. Силерге быжыг кадыкшылды, сагыш-сеткилдиң тайбыңын, эки сеткил-хөөннү, аас-кежикти, чаагай чүүлдерни болгаш улуг назынны күзедим. Аал-ораныңарга өөрүшкү үзүлбес болзун, ол ышкаш төрел болаш чоок кижилериңерниң ынакшылы болгаш кичээнгейи кезээде турар болзун!