Хүндүлүг адалар, чаңгыс чер- чурттугларывыс!
Хүндүлүг адалар, чаңгыс чер- чурттугларывыс! 2021 чылдан эгелеп Россия Федерациязының Президентизиниң айтыышкыны-биле тургустунган чугула өг-бүле байырлалын — Адалар хүнүн демдеглеп турар. Бай-Тайга кожууннуң удуртукчуларының мурнундан бо кайгамчык байырлалда — Ада хүнүнде эң-не чылыг чымчак күзээшкиннерлиг байырны чедирип тур бис! Ава кижи өг-бүлениң одааның кадагалакчызы, а ада бодунуң ат-алдары-биле база бүдүжүнден кол камгалакчызы болгаш өг-бүлениң азыракчызы болур. олдарының ёзулуг эр кижилер кылдыр кижизиттинеринге, бодунуң төрээн чуртунуң патриоттары кылдыр хевирлеттинеринге ада кижиниң ролю кончуг улуг. Ынчангаш чаш уругнуң шынчы, патриотчу, чаагай сеткилдиг болгаш эр соруктуг болур шынарларны тургузарынга ада кижинин ролю кончуг улуг. Ынчангаш ажы-төлүвүс бисти көрүп, бистиң үлегер-чижээвиске өөренир дээрзин утпаалыңар! Бистиң кожуунувуста эр кижилерниң хөй кезии Ада чорукка харыысалгалыг деп бүзүрелдии-биле чугаалап болур бис. Олар чүгле өг-бүлезиниң быжыг чөлеңгиижи эвес, а бодунуң ажы-төлүнүң өңнүү болгаш дагдыныкчызы болганда, хөй ажы-төлдүг азы чааскаан ажы-төлүн кызып кижизидип, өстүрүп чоруур үлегерлиг адалар бар, оларга мөгейдивис. Силерлерге байырлалыңар таварыштыр «Ада» мен деп адыңарны чоргаар бадыткап, өг-бүлеңерниң камгалакчылары болгаш бүзүрелдиг чөленгиижи болуп, ажы-төлүңерниң мерген угаанныг башкызы база бир дугаар чоок өңнүү болуруңарны күзедивис. Шупту адаларга быжыг кадыкшылды, аас-кежикти, чаагай чорукту күзедивис! Бажың-балгадыңарга кезээде өөрүшкү болгаш уругларның каткызы долуп турзун! Оран-саваңарга чылыгны, чырыкты, тодуг-догаа, амыр-тайбың амыдыралды күзедивис! Байырлал-биле, эргим адалар!