Хүндүлүг чолаачылар, Бай-Тайга кожууннуң транспорт ажылдакчылары!
Хүндүлүг чолаачылар, Бай-Тайга кожууннуң транспорт ажылдакчылары! Россияда чылдың-на октябрьның сөөлгү улуг-хүнүнде чолаачылар хүнүн демдеглеп турар. Бо чылын ол хүн октябрь 25-те болур. Силерниң профессионал байырлалыңар — Чолаачылар хүнү-биле Бай-Тайга кожуун чагыргазының болгаш бодумнуң өмүнээмден байыр чедирип тур мен! Бистиң регионнуң эң ыраккы булуңнарынга, хоорай, суурларынга пассажирлерни болгаш чүъктерни чедирип, бизнестиң болгаш организацияларның эптиг ажылдаарын хандырар дээш, хүннүң-не орукче үнүп турар силер. Силерниң арга-дуржулгаңардан, кичээнгейиңерден, харыысалгаңардан чүгле ажыл-херектер эвес, а кижилерниң амыдыралы база хамааржыр. Аныяк салгалга үнелеп четпес арга-дуржулгазын дамчыдып чоруур хоочун чолаачыларга база школа автобустарын башкарып чоруурларга, көдээ ажыл-агыйда, пассажирлер аргыштырылгазында ажылдап чоруур кижилерге онза өөрүп четтирдивис. Кадыкшылды, эки хей-аътты, озал-ондак чок ажыл-ишти, айыыл чок орукту кузедим! Аян-чоруктарыңарга аас-кежик, ак сүлде кезээде силерни эдертип чоруур болзун, чоок кижилериңерниң ынакшылы, сагыш човаашкыны силерни бажыңыңарга манап чорзун. Силерге болгаш силерниң өг-бүлеңерге аас-кежикти, чечектелиишкинни, ажыл-ижиңерге уламчылыг чедиишкиннерни күзедим! Байырлал-биле хүндүлүг чолаачылар!