Бөгөн район мәҙәниәт һарайында Республика һәм Ҡурай көндәренә, Бөрйән районының 96 йылл...
Бөгөн район мәҙәниәт һарайында Республика һәм Ҡурай көндәренә, Бөрйән районының 96 йыллығына арналған тантаналы сара үтте. Сарала Бөрйән районы муниципаль район Хакимиәте башлығы вазифаһын башҡарыусы Айнур Ҡотошов, Башҡортостан Республикаһының Дәүләт Йыйылышы - Ҡоролтай депутаты Рәмзиә Кәримова ҡатнаштылар. Бөрйән районы һәм халҡы мәнфәғәтенә оҙаҡ йылдар намыҫлы хеҙмәте, ҡаҙаныштары, район үҫешенә индергән тос өлөшө өсөн «Бөрйән районының Почетлы гражданы» исеменә Йәримов Марат Отелло улы лайыҡ булды. Күп йыллыҡ намыҫлы хеҙмәте өсөн Рәсәй Федерацияһы Ауыл хужалығы министрлығының Рәхмәт хаты менән Бөрйән районы ветеринар станцияһының Иҫке Собханғол ветеринар участкаһы мөдире Зыянбаев Данил Марат улы, Бөрйән районы ветеринар станцияһының Яңы Собханғол ветеринар участкаһы мөдире Юлбирҙин Хәбир Сабир улы, юғары һөнәри оҫталығы, намыҫлы хеҙмәте, хеҙмәтендәге ҡаҙаныштары өсөн Башҡортостан Республикаһы Һаулыҡ һаҡлау министрлығының Маҡтау ҡағыҙы менән Байғаҙы ауылы фельдшер – акушерлыҡ пунты мөдире Хәсәнова Светлана Зиннәт ҡыҙы, намыҫлы хеҙмәте, республика эшҡыуарлыҡ үҫешенә индергән тос өлөшө өсөн Башҡортостан Республикаһы Эшҡыуарлыҡ һәм туризм министрлығының Маҡтау ҡағыҙы менән шәхси эшҡыуарҙар Голда Гөлназ Зәки ҡыҙы һәм Ғазин Флүр Сабирйән улы, күп йыллыҡ намыҫлы хеҙмәте өсөн Башҡортостан Республикаһы Мәҙәниәт министрлығының Рәхмәт хаты менән “Бөрйән”кинозалы редакторы Балдыбаева Таңһылыу Әлимбай ҡыҙы, күп йыллыҡ намыҫлы хеҙмәте, профсоюз эшендә әүҙем эшмәкәрлеге өсөн, һәм юбилейы айҡанлы Рәсәй Федерацияһы дәүләт учреждениелары һәм йәмәғәт хеҙмәтләндереүе хеҙмәткәрҙәренең Дөйөм Рәсәй профсоюзы Башҡортостан Республика ойошмаһының Почет грамотаһы менән Бөрйән районы буйынса мәшғүллек үҙәге инспекторы Күлбаева Нәйлә Райман ҡыҙы бүләкләнделәр.