Бокту кайнаар октаар? 🤔
Бокту кайнаар октаар? 🤔 Силернин чуртап турар девискээринерде бункерлер база контейнерлернин тыптып келгенин эскерген боор силер. Ол дээрге дыка эки медээ-дир, херек чок артынчыларны (покту) силер контейнерже октап болур силер, коммуналдыг ачы-дузаны толевишаан. Регионалдыг оператор ГУП ТСП ол артынчыларны айыыл чогу-биле соортуп кааптар.✅ Силерниң контейнерлериңерден бокту регионалдыг оператордан бок сөөртүр машиналар чыып алгаш, айыыл чокка октап турар.🚛 - Регионалдыг оператор канчаар ажылдап турар ирги? - Регионалдыг оператор чүгле мэрияның тургускан коммуналдыг кадыг бок чыыр черлеринден бокту чыып ап турар. Хуу өнчү девискээрлеринде коммуналдыг кадыг бок чыыр черлер хоорай чагыргазының харыысалгазында. Мэрия бункерлерниң турар черлерин тодарадып, оларны үндүрер дугайында шиитпирни хүлээп алыр. Ынчангаш чурттакчы чон боттарының девискээринге коммуналдыг кадыг бок чыыр бункер тургузары чугула деп санаар болза, хоорай чагыргазынче билдириишкин азы бижимел санал киирер. - Ол дээш төлээр апаар бе? - Ийе, бок сөөртүрү — коммуналдыг ачы-дуза, ону төлээр апаар. Чоокку үеде бистиң кожууннарда чонну хүлээп алыр офис ажыдар бис. Амгы үеде бо офистерде ажылдап турар бис: 📍Шагаан-Арыг, Ленин куд., 42, каб. 201 (чагырга бажыңы). 📍Ак-Довурак, Данзырак Калдар-оол куд., 94 (ЖКХ бажыңы, 1-ки каът). 📍Кызыл, Кочетов куд., 30. Хүлээп алыышкынче кээп болур силер. Бодуңар-биле кады бо чүүлдерни алгаш кээрин сүмелеп тур бис: адреске хамаарышкан справка, ЕГРН-дан үндүрген бижик, өнчү ээзиниң паспорту. Айтырыглар азы медээни оператордан айтырып ап болур силер — тел: 5-39-10. 🙏Чондан база улуг дилеп турарывыс болза. 🚫Изиг хулду контейнерже октап болбас. Изиг хулду 5-6 хонук манапкаш октаар болза эки, козу оже бээрге. Оон ону пакетке ургаш, аскын дыннзыдыр шарааш октаар. Контейнерлернин ортени бээри ковудеп турар, ындыг чоруктардан чугле кижилер эвес, а эт-сеп карыгдалга таваржы берип болур.