Чурапчы улууһун спортсменнарын хамаандата «Дьулуур» спорт адаптивнай көрүҥнэригэр өрөсп...
Чурапчы улууһун спортсменнарын хамаандата «Дьулуур» спорт адаптивнай көрүҥнэригэр өрөспүүбүлүкэ XV спартакиадатын маҥнайгы күнүгэр бастакы кыайыыларын ситистилэр. Хамаандабыт спартакиада түөрт бөлөҕүнэн күрэхтэһиитигэр - истибэт дьоҥҥо чэпчэки атлетикаҕа, буулдьанан ытыыга, остуол тенниһигэр, дуобакка уонна саахымакка, көрбөт, харахтарынан мөлтөх дьоҥҥо голболга уонна чэпчэки атлетикаҕа, интеллектуальнай кэһиллиилээх дьоҥҥо чэпчэки атлетикаҕа, атах-сүһүөх өттүнэн инбэлииттээх дьон олорон эрэ волейболга, чэпчэки атлетикаҕа, остуол тенниһигэр, дуобакка уонна саахымакка - бастыыр иһин кииристилэр. Бастакы күн түмүгүнэн көрбөт дьон күрэхтэһиитигэр 100 м. Елисеев Петр, Филиппов Василий - 1 миэстэ, Посельскай Алексей - 2 миэстэ; истибэт дьоҥҥо 400м. Шамаев Егор - 2 миэстэ; ПОДА күрэхтэһиигэ 100 м. Климова Вера - 2 миэстэ, дьаадараны быраҕыыга Шамаева Мария - 3 миэстэ, Оконешников Марк - 3 миэстэ буоллулар. Хамаандабыт бастакы күнүн ситиһиилэринэн эҕэрдэлээн туран, саҥа кыайыылары баҕарыаҕыҥ!