Бүгүн өрөспүүбүлүкэҕэ Ыччат күнүнэн Чурапчы улууһун ыччатын улуус салалтатын уонна тус ... — 27 июня 2026 г. в 03:52:54.479
Бүгүн өрөспүүбүлүкэҕэ Ыччат күнүнэн Чурапчы улууһун ыччатын улуус салалтатын уонна тус бэйэм ааппыттан истиҥник эҕэрдэлиибин! Чурапчы улууһун ыччата барыга дэгиттэр талааннаах, үөрэххэ, сайдыыга дьулуурдаах, үтүөҕэ, кэрэҕэ тардыһар кэскиллээх санаалаах уонна киэҥ былааннардаах. Эһиги нэһилиэккит, улуускут, тапталлаах Сахаҕыт сирин уонна дойдубут кэскилин, уйгулаах олоҕун салҕааччы, аҕа көлүөнэбитин чиэстээхтик солбуйар уонна эрэнэр дьоммут буолаҕыт. Ыччаты кытта ыкса алтыһан үлэлээбит уонна үлэлиир буоламмын эһиги кыаххыт, билиигит-көрүүгүт аныгы кэми кытта тэҥҥэ, сороҕор урутаан да иһэрин билэбин. Өрөспүүбүлүкэҕэ, улууска ыччакка көмөлөөх өйөбүл араас көрүҥнэрэ оҥоһулла тураллар. Улууспутугар Ыччат киинэ, нэһилиэктэргэ ыччат лиидэрдэрэ айымньылаахтык үлэлииллэр-хамсыыллар, эдэр дьон бииртэн биир үрдэлгэ өрө дабайыыларыгар усулуобуйа баар. Ыччакка аналлаах бырайыактары олоххо киллэриигэ көхтөөх кыттыыгыт, сырдык баҕа санааларгыт, этиилэргит иһин улуус салалтатын уонна тус бэйэм ааппыттан эһиэхэ махталбын биллэрэбин. Баҕарабын ылсыбыт дьыалаҕытыгар ситиһиини, эдэрдии эрчими, бэйэҕэ бигэ эрэли, дьиҥнээх доҕоттору, туохтан да толлубат дьулууру уонна тус олоххутугар үөрэх, үлэ, дьарык, таптал уонна доҕордоһуу өрүү баар буоллун!