Убаастабыллаах атыы-эргиэн үлэһиттэрин уонна бэтэрээннэрин Арассыыйаҕа Атыы-эргиэн үлэһ...
Убаастабыллаах атыы-эргиэн үлэһиттэрин уонна бэтэрээннэрин Арассыыйаҕа Атыы-эргиэн үлэһиттэрин күнүнэн улуус салалтатын уонна тус бэйэм ааппыттан итиитик-истиҥник эҕэрдэлиибин! Атыы-эргиэн үлэһиттэрин эппиэтинэстэриттэн, үлэҕэ бэриниилээх буолууларыттан нэһилиэнньэҕэ наадалаах эгэлгэ табаарынан, аһынан-үөлүнэн хааччыллыыта, доруобуйата уонна этэҥҥэ буолуута улахан тутулуктаах. Күн бүгүн улууспутугар эргиэн салаата эрэллээхтик сайдар, маҕаһыыннар арыллаллар, араас табаар уонна өҥө көрүҥэ эбиллэр. Атыы-эргиэн тэрилтэлэригэр күрэстэһии үөскээн, сөбүгэр сыана олохтонор уонна үлэ хаачыстыбата тупсар. Бу барыта дьон-сэргэ наадыйыытын толуйар туһугар оҥоһуллар. Эһиэхэ барыгытыгар дьон-сэргэ уйгулаах олоҕун туһугар сатабыллаах, бэриниилээх үлэҕит иһин дириҥ махталбын тиэрдэбин. Идэлээх бырааһынньыккытынан эҕэрдэлээн туран, эһиэхэ кытаанах доруобуйаны, үлэҕитигэр-хамнаскытыгар ситиһиилэри, сарсыҥҥы күҥҥүтүгэр бигэ эрэли, дьиэ кэргэҥҥитигэр этэҥҥэ буолууну баҕарабын!