Саха сиригэр буолан ааспыт Судаарыстыбаннай Дуума быыбарын барыллаан түмүктэринэн, быыб...
Саха сиригэр буолан ааспыт Судаарыстыбаннай Дуума быыбарын барыллаан түмүктэринэн, быыбарга кыттыыта 60 бырыһыаны куоһарбыт Чурапчы улууһун салалтатын, быыбардааччыларын уонна тус бэйэм ааппыттан «Биир ньыгыл Арассыыйа» паартыйаттан биир мандааттаах уокурукка кандидатынан турбут, Саха Өрөспүүбүлүкэтин ыччат бэлиитикэтигэр миниистиринэн тахсыылаахтык үлэлээбит Петр Витальевич Шамаевы бу быыбарга 37,35% (117680) куолаһы ылан, Госдуума депутаатынан талыллыбыккынан истиҥник эҕэрдэлиибин! Барыллаан ааҕыы түмүгүнэн, Чурапчы улууһугар “Биир ньыгыл Арассыыйа” паартыйа 50,85% куолаһы ылан, бары паартыйалартан бастааһына, 44,15% куоластарын биэрбит улууспут быыбардааччыларын үрдүк итэҕэллэрин ылан, Петр Шамаев эрэллээхтик кыайыыта - кэлэр кэскили бу курдук биир сомоҕо түмсүүлээхтик уһаныыга, сайдыы туһугар күүстээхтик бииргэ үлэлииргэ эрэлбит улаханын көрдөрдө. Ытыктабыллаах Петр Витальевичка Арассыыйа, ол иһигэр, Саха сирин уһун болдьоххо инники сайдыыларын, кэлэр кэскили быһаарсар улахан суолталаах федеральнай таһымнаах депутатскай үлэҕэр күүстээх үлэни, эдэрдии эрчими, чэгиэн туругу баҕарабын!