Бүгүн Тыа хаһаайыстыбатын уонна астыыр-үөллүүр салаа үлэһиттэрин күнүнэн Чурапчы улууһу...
Бүгүн Тыа хаһаайыстыбатын уонна астыыр-үөллүүр салаа үлэһиттэрин күнүнэн Чурапчы улууһун тыатын хаһаайыстыбатын уонна астыыр-үөллүүр салаатын үлэһиттэрин, тыа сирин бары үлэһит дьонун уонна бэтэрээннэри идэлээх бырааһынньыккытынан улуус салалтатын уонна тус бэйэм ааппыттан итиитик-истиҥник эҕэрдэлиибин! Бүгүҥҥү бырааһынньык - сүөһү иитиитигэр, сиртэн өлгөм быйаҥы ылыыга, тыа хаһаайыстыбатын бородууксуйатын оҥорон таһаарыыга сыралаһан үлэлиир дьону түмэр, сомоҕолуур бэлиэ түгэн. Биһиги Чурапчыбыт улууһа өрөспүүбүлүкэ тыатын хаһаайыстыбатыгар сайдыыны саҕар, инники күөҥҥэ сылдьар ситиһиилээх улууһунан буоларынан, ханнык да ыарахаттартан толлубат туруу үлэһит дьоннооҕунан киэн туттабыт, үгүс көлүөнэ үлэ бэтэрээннэрэ киллэрбит сүҥкэн кылааттарын иһин махтанабыт. Улууска күн бүгүн гааһынан, суолунан-ииһинэн, уотунан-күөһүнэн хааччыйыы салҕана турар. Тыа сирин үлэһиттэригэр, саҥа саҕалыыр эдэр бааһынайдарга уонна үлэлэрин-хамнастарын кэҥэтэр бааһынайдарга анаммыт граннарынан улахан хамсааһын тэриллэр, тыа хаһаайыстыбатын көрдөрүүлэринэн Чурапчы улууһа бастыҥнар кэккэлэригэр сылдьар. Сыллата ыһыы иэнэ кэҥэтиллэр, сүөһү иитэр комплекстар тутуллаллар, астыыр-таҥастыыр салаа улам сайда, үлэ аныгы технологията олоххо киирэ турар. Биһиги билигин олохтоох аһылык бородууксуйатын оҥорууну элбэтиигэ дьулуһабыт. Тыа хаһаайыстыбатын уонна астыыр-таҥастыыр салаа үлэһиттэригэр таһаарыылаах үлэҕит иһин ис сүрэхтэн махтананан туран, эһиэхэ уйгу-быйаҥ, өҥ дьыллары, дьоһун дохуоту, этэҥҥэ буолууну баҕарабын!