Алтынньы 24 күнүгэр Ытык-Күөлгэ буулдьалаах саанан ытыыга СВО буойуна А.А.Данилов сырды...
Алтынньы 24 күнүгэр Ытык-Күөлгэ буулдьалаах саанан ытыыга СВО буойуна А.А.Данилов сырдык кэриэһигэр аһаҕас турнир буолан ааста. Турнир улуустааҕы спорткомплекс аныгы типтээх стрелковай тирыгар ыытылынна. Күрэх үс группаҕа араарылынна : доруобайдар, СВО кыттыылаахтара уонна адаптивнай спорт спортсменнара. Ытыы ВП-винтовканан, ПП-пистолетынан барда. Саамай элбэх кыттааччы Чурапчы улууһуттан. ЧГИФКиС студеннара, ЧРССОШИОР үөрэнээччилэрэ, 2 СВО ветераннара, биирдиилээн спортменнар уонна адаптийкаттан 11 киһи кытынныбыт. Уопсайа биэс улуустан 70-ча стрелоктар бэйэлэрин кыахтарын тургутустулар. Адаптивнай группаҕа ПП-пистолетка Николай Пермяков( Мугудай нэһ.) 🥇чемпион уонна муҥутуур кыайыылаах буолан сыаналаах бириистэринэн наҕараадаланна, Тихон Федоров ( Чурапчы нэһ.)бу көрүҥҥэ 🥉үһүс миэстэҕэ таҕыста. ВП-винтовка Вячеслав Васильев (Чурапчы нэһ.)🥉бириистээх миэстэни ылла. СВО кыттыылаахтарыгар Юрий Бандеров ( Хадаар нэһ.) бастыҥ ытыыны көрдөрөн харчынан бириистэннэ. Бу турнирга абсолютнай кыайыылааҕынан тахсан Чурапчы ыччата Михаил Аржаков ( Кытаанах нэһ.) "Тигр" нарезтаах саа хаһаайына буолла. Уопсайа 6 комплект мэтээл оонньоммутуттан улахан аҥарын Чурапчы стрелоктара ыллылар. Бу турнирга кыттыыны ылбыт ЧГИФКиС студеннарыгар,үөрэнээччилэргэ үчүгэй стимул уонна мотивация буолла. Чурапчы улууһун адаптивнай спорт пулевиктара кэнники сылларга сөптөөх хамаанда сүүмэрдэнэн республикаҕа күүстээхтэр ахсааннарыгар киирэн эрэрэ кэрэхсэнэр. Бу турнирга ситиһиилээхтик кыттыыбыт институт пулевойга тренера Роман Аржаков өйөөһүнүнэн уонна дьарыктанар усулуобуйа сөптөеҕүнэн А.К. Софронов аатынан СК- ка стрелковай тиир үлэлииринэн оноһуллунна.