Чөөн-Хемчик кожууннуң өөредилге эргелели 2025-2026 чылды түңнеп, чаа өөредилге чылының ... — 28 августа 2026 г. в 08:57:23.893
Чөөн-Хемчик кожууннуң өөредилге эргелели 2025-2026 чылды түңнеп, чаа өөредилге чылының эгелээнинге тураскааткан август Чөвүлел хуралын Чадааананың №2 ортумак школазының хуралдаар залынга эрттирген. Чөөн-Хемчик кожууннуң Баштыңы Инна Байыр-ооловна Монгуш, кожууннуң чагырга даргазы Айдыс Дарый-оолович Куулар, Чадаана хоорайның чагырга даргазы Артыш Андреевич Монгуш чаа өөредилге чылынга тураскааткан чыышка киришкеш, башкыларга, хоочуннарга медальдарны, Тываның Баштыңының, Тываның Дээди Хуралының, Чөөн-Хемчик кожууннуң Баштыңының, чагырга даргазының болгаш Чадаана хоорай чагыргазының шаңналдарын өөредилге кижизидилге адырынга киириштирген үлүг- хуузу, эрес шудургу, үлергерлиг ажылы дээш байырлыг байдалга тывысканнар. Чадаана дугайында чонда нептерээн ырыларны башкы кыстар, школачы оолдуң башкыларга тураскааткан шүлүү-биле хөгжүмнүг байыр чедирип күүсеткениниң соонда, башкылар чаа өөредилге чылының дургузунда чаа сорулгаларны мурнунга салып, хуралдың ажылын үргүлчүлээннер.