⚡️Кожууннуң адалар шуулганы "Ада. Ада болуру. Ада чурт"
⚡️Кожууннуң адалар шуулганы "Ада. Ада болуру. Ада чурт" Адалар хүнүнүң бүдүүзүнде Чоон-Хемчик кожуунга "Ада. Ада болуру. Ада чурт" деп ужур-уткалыг адалар шуулганы Чадаананын драма театрынга болуп эрткен. Шуулганнын программазы байлак болгаш ханы уткалыг болган: 🔹 Байырлыг ажыдыышкын Россия Федерациязының болгаш Тыва Республиканың гимннерин күүседилгези-биле эгелээн — чурттуң болгаш төрээн чериниң чаңгыс деминиң, Ада-чурт дээш харыысалгалыг болгаш чоргааралдың демдээ. 🔹 Театрның фойезинде декоративно-прикладной уран чүүл база улусчу уран-чүүл болгаш ус-шеверлер делгелгези, ол ышкаш «Тыва эр кижиниң эдилелдери» деп ном делгелгези тыва эр кижиниң чаңчылчаан овур-хевирин, ооң өг-бүлеге болгаш ниитилелге ролюн, эрте-бурунгу үнелиг чүүлдерге даянганын ажыткан. 🔹 Үлегерлиг адаларны, ооң иштинде хөй ажы-төлдүг адаларны — хүн бүрүде ажыл-ижи, шыдамык чоруу, ынакшылы-биле бистиң кожуунувустуң келир үезин өстүрүп чоруур адаларны шаңнаар езулалды эрттирген. Шаңнал тыпсыышкынынга дараазында кожуун даргалары киришкен: — Чоон-Хемчик кожууннуң баштыңы, Монгуш Инна Байыр-ооловна; — Чоон-Хемчик кожуун чагыргазының даргазы, Куулар Айдыс Дарый-оолович; — Чадаана хоорайның баштыңы, Монгуш Начын Николаевич. Дамчыдылга ылаңгыя аалчыларның чугаалары-биле сагыш-сеткилди оттурган: 🎤 Тываның технологтуг техникумунун башкызы Найыр Вячеславович Сарыглар бодунуң хууда арга-дуржулгазы болгаш ажы-төл кижизидилгезиниң дугайында бодалдары-биле үлешкен — ооң сөстери эрсиг чоруктуң болгаш хүндүткелдиг ада болурунуң шынчы үлегери болган. Ооң чугаазы хөй улустуң сагыш-сеткилинге дээпкен: ол чүгле өөредиг эвес, а харыысалганың болгаш өг-бүлеге ынакшылдың дириг төөгүзү болган. Найыр Вячеславович ча адар спорттунхевиринин тренери болганда, бо чаңчылчаан спорттуң (ча адары) арга-дуржулгазын база ооң чугула шынарларны – шыдамык чорукту, эп-найыралды, чаңчылдарга хүндүткелди канчаар дамчыдып турарын чугаалаан. Мында спорт чүгле түңнелдер эвес-тир; ол дээрге овур-хевирниң сайзыралы болгаш салгалдарны холбаары-дыр. Шуулган чүгле болуушкун эвес апарган, ол эң чугула чүүлдер дугайында чугаалажыр чер апарган: ада кижиниң ролю, үнелиг чүүлдерниң үргүлчүлели, амгы делегейде культураны, ажыл-ишке болгаш өг-бүлеге хүндүткелди уругларга канчаар кадагалап, дамчыдары.