✍️Чадаана стадионунга 2026 чылдың октябрь 16-да Чөөн-Хемчик кожууннуң төөгүзүнге онзага...
✍️Чадаана стадионунга 2026 чылдың октябрь 16-да Чөөн-Хемчик кожууннуң төөгүзүнге онзагай солун болуушкун болуп эртти. Тыва Республиканың Наадым байырлалының чемпионнары дөрт хар чедир челер, чыраа аъттар аразынга эрткен Монгуш Сылдыс Владиславович, дөрт хардан өрү чүгүрүк аъттар чарыжынга эрткен аъттың ээзи Динар Анатольевич Ооржактың болгаш тыва ча адар спорттуң баг адар хевиринге тулган чемпион Артыш Радомирович Монгуштуң тиилелгелеринге тураскааткан байырлыг хемчегге киришкеш, чуруктар тырттырдым. Чөөн-Хемчик кожууннуң чагырга даргазы Куулар Айдыс Дарый-оолович, Чөөн-Хемчик кожууннуң Баштыңы Инна Байыр-ооловна Монгуш шаңналдар тыпсыр байырлыг кезээнге киришкеннер. "Чөөн-Хемчик кожууннуң сайзыралынга киирген үлүг-хуузу" деп медальдарны Монгуш Сылдыс Владиславовичиге, Ооржак Динар Анатольевичиге, ча адыгжызы Монгуш Артыш Радомировичиге байырлыг байдалга тывыскан. "Даа кожууннуң 260 чылы" юбилейлиг медальды Тыва Республиканың күчүтен мөгези Монгуш Аяс Семис-ооловичиге тывыскан. Ол ышкаш "Чөөн-Хемчик кожууннуң күш-культура болгаш спортунуң алдарлыг ажылдакчызы" бедик аттарны Тываның спортунуң хоочуну Федор Серен-оолович Кууларга, тыва хүрештиң хоочуннар аразынга тергиини Монгуш Орлан Викторовичиге тывыскан. Спортчуларның Баян-Таладан, Шемиден,Хөндерейден чаңгыс-чер чурттуг эш-өөрү, ча адар спорттуң тергииннери деткикчилеп, демир "аът" - "ВАЗ" Гранта автомобильдерни, чүгүрүк богба болгаш суй-белектер-биле шаңааны өөрүнчүг-дүр.