✨8️⃣5️⃣✨Бистиң кижилер. Сарыгбан Саара Алексеевна — дириг төөгү — 30 июля 2026 г. в 02:04:46.595
✨8️⃣5️⃣✨Бистиң кижилер. Сарыгбан Саара Алексеевна — дириг төөгү Эрзин кожууннуң 85 харлаанынга таварыштыр алдар сураглыг кижилеривисти чырыдып демдегледивис. Тыва Республиканың болгаш Эрзин кожууннуң хүндүлүг хоочуну, бистиң чаңгыс чурттуувус Саара Алексеевна Сарыгбан — Эрзинниң көскү удуртукчуларының бирээзи. Саара Алексеевна Эрзин районнуң күүсекчи эрге-чагырга органнарынга узак чылдарда ажылдаан. 1980–1982 болгаш 1989–1994 чылдарда Эрзин көдээ Совединиң күүсекчи комитединиң даргазынга ийи удаа соңгуттургаш, пенсияже үнгүже чедир удуртукчулап ажылдаан. Ооң мурнунда ниити килдис эргелекчизинге болгаш секретарьынга база ажылдап чораан. Хөй чылдарда Советтерниң удуртур органнарынга үре-түңнелдиг эки ажылы дээш «Күш ажылдың хоочуну» деп атты, суму болгаш кожуун чагыргаларының юбилей медальдарын алган. Эрзин сумузунуң болгаш Эрзин кожууннуң «Хүндүлүг хамаатызы». 2014 чылда Тываның Россияга каттышканындан бээр 100 чыл оюн таварыштыр Тыва Республиканың Чазак даргазының «Хүндүлел бижии»-биле, ол ышкаш Тыва Республиканың Дээди Хуралының «Хүндүлел бижии»-биле шаңнаткан. 1981 чылда хөй-ниити ажылын эки удуртканы дээш «Чылдың хөй-ниитичи херээжени» («Женщина года — общественница») деп дипломну чаалап алган, Тыва Республиканың «Алдарлыг ажылдакчызы» деп бедик атты тывыскан. 2025 чылда Тыва Республиканың Парламентизиниң 100 чыл оюнга тураскааткан медаль-биле шаңнаткан. Бодунуң онаашкан ажылындан аңгыда, Саара Алексеевна Эрзин сумузунуң херээженнер болгаш хоочуннар чөвүлелдерин узак үениң иштинде удуртуп келген. Ол — кожууннуң удуртур органнарынга бедик дуржулгалыг удуртукчулап ажылдап чораан, төөгүде изин арттырган кижилерниң бирээзи. 💐Ынчангаш Эрзин кожууннун удуртулгазынын мурнундан кадыкшылды, узун назынны, улуг өөрүшкүнү база аас-кежикти кузедивис!❤️