✨8️⃣5️⃣ Бистиң кижилер. Дириг төөгү✨ — 6 августа 2026 г. в 15:19:11.718
✨8️⃣5️⃣ Бистиң кижилер. Дириг төөгү✨ Эрзин кожууннуң 85 харлаанынга таварыштыр «Алдар-сураглыг кижилеривисти чырыдып демдегледивис» деп рубриканы уламчылап, Тыва Республиканың болгаш Эрзин кожууннуң алдарлыг кижилериниң бирээзи, бистиң чаңгыс чер-чурттуувус Артына Фаина Алексеевнаның күш-ажылчы намдары-биле таныштырар бис. Артына Фаина Алексеевна бо үеде Кызыл хоорайның бир идепкейжи «Мөңгүн үем меңээ эргим» деп ансамблиниң удуртукчузу. Фаина Алексеевнанын ажылчы базымы, амыдыралдың эгези – эмниг-домнуг, аржаан-суглуг, бойдус чаяан, хой өрээлдерлиг кайгамчык тураскаал куйлуг, те чүнмээ ораны болган чараш буурул Ак-Хайыракан ыдык дагның эдээнде чаптылган Мөрен суурдан 1968 чылда эгелээн. 1969-1974 чылдарда Эрзин кожууннуң волейбол командазының камгалакчы ойнакчызы бооп, кожуунувустуң адын бедик туткан. Ол үеде эштери: Хертек Дарья, Даваадор Светлана, Сагды Нина, Сарыгбан Зоя, Борбак-оол Анчымаа, Баанай Санчымаа, Маговал Иван, Откун акышкылар, Кылгыыдай Маннай, Чалзырай Комбу, Дембирел Белээ (Чалбуу) акый – кожууннуң чаңгыс чыынды командазы бооп, каш чыл республикага «Урожай» маргылдаазынга 1-2 черлерни чаалап ап чораан. Удуртукчузу – Сарыгбан Анатолий. 1976-1988 чылдарда партия-совет органнарынга ажылдаан. Ооң кичээнгейи-биле суурувус кожуунда эки чурумнуг, арыг-силиг, ногаанчыткан суур деп атка төлептиг болуп, 1978 чылда тиилээн. Кожуунга эртип турган янзы-бүрү хемчеглерге чонну 100% хаара тудуп, уран-чүүлдүң ниити ыры, танцы хевирлеринге, шии көргүзүглеринге районнуң мурнундан республика чергелиг көрүлделерге тиилекчилер болуп келген. 1991-2012 чылдарда Мөрен ортумак школазынга башкылаан. 1990 чылдан эгелеп, музейге тыва чоннуң эдилеп чораан эт-херекселдерин өөреникчилер-биле дилеп, экспонаттарны чыыр ажылды чорудуп тургаш, школа музейин тургускан. 2025 чылда музей 35 чылын демдеглээн. Ол үениң иштинде кожуунувуска болгаш республикага «Музей болгаш уруглар» деп конкурстарга чылдың-на, доктаамал киржип, республикага «Эң эки школа музейи» деп атты хөй чылдар иштинде чаалап, кожууннуң адын бедик тудуп келген. Тывага эң баштай тургустунган Эрзин Хүрээзиниң каяа даа бижиттинмээн төөгүзүн өөреникчилер-биле кожуунда хүрээ-биле дорт холбаалыг улуг назылыгларга барып ужуражып, Аракчаа Кыргыс Дадааевичиниң сактыышкыны-биле Эрзин Хүрээзиниң схемазын тургузуп, төөгү-шинчилел ажылдарын чорудуп тургаш, ховар дээн экспонаттарны дилеп тыпкан. Бо бүгү ажылды чорударынга Эрзин кожууннуң улуг назылыгларының сактыышкыннарынга үндезилеп, музейде тускай «Эрзин Хүрээзи» деп экспозиция кылдынган. Эрзин Хүрээзиниң тургустунганындан 250 чыл болганынга Дазыргайга байырлал үезинде Кур Алина школада төөгү башкызы, өөреникчимниң киржилгези-биле көжер делгелгени организастаанын аңгы кожууннардан келген аалчылар сонуургап көргеннер. Шаңнал-мактал аттары: 🏅 Медаль Материнства I ст. 🏅 Медаль «Патриот России» 🏅 Памятный юбилейный знак «65 лет Победы» 🏅 Медаль «100 лет создания ТНРП» – 2 медаль 🏅 Медаль «100-летия парламентаризма в РТ» 🏅 Нагрудной знак «За заслуги в развитии детско-юношеского туризма» 🏅 Почетное звание «Почетный работник общего образования РФ» 🏅 Звание «Ветеран труда» 🏅 Медаль Z «Тыл – фронту» Чагырганың удуртукчуларының мурнундан Фаина Алексеевнага кылып чоруур ажылынга чедиишкиннерни, узун назынны, өөрүшкүнү, кадыкшылды кузээр бис! #Эрзин85 #БистиңКижилер #ДиригТөөгү #АлдарСураглыгКижилер #ЭрзинКожуун #ТываЧоргааралы