✨8️⃣5️⃣✨Бистиң кижилер. — 5 августа 2026 г. в 05:17:26.249
✨8️⃣5️⃣✨Бистиң кижилер. Эрзин кожууннуң 85 харлаанынга таварыштыр «Алдар сураглыг кижилеривисти чырыдып демдегледивис» деп рубриканы уламчылап, Тыва Республиканың болгаш Эрзин кожууннуң алдарлыг кижилериниң бирээзи, бистиң чаңгыс чер-чурттуувус бистиң аравыста чок даа болза, ажылчын чылдарын сактып, Чула Алексей Манчыровичиниң күш-ажылчы намдары-биле таныштырар-дыр бис. Чула Алексей Манчырович – «Кызыл-Сылдыс» колхоз болгаш Ленин аттыг совхозунуң мурнакчы тудугжузу. Ол Тыва АССР-ниң Министрлер Чөвүлелиниң болгаш обком партияның Хүндүлел бижиктери-биле шаннадып чораан. Эрзин болгаш Тес-Хем районнарның ажылчы чоннар депутаттарының, ол ышкаш Совет-Моол ниитилелиниң «Хүндүлел» бижиктери-биле шаннадып чораан. Суму болгаш район Советтериниң депутадынга сонгуттуруп чораан. Тудуг ажылынга шылгарангай күш-ажылы дээш Октябрьның Социалистиг Улуг революциязының 50 чыл оюн таварыштыр обком партияның Министрлер Чөвүлелиниң Хүндүлүг дептеринче адын мөңгежидип киир бижээн. Суму, кожуун, Республика чергелиг хүрештерге шүглүп чораан шыырак мөге. Тудуг ажылындан аңгыда хөй-ниити ажылынга, Булуң-Бажы суурнуң улусчу дружиназының командиринге хөй чылдарда эки ажылдап чорааны дээш, 1966 чылдың август 13-те РСФСР-ниң Дээди Совединиң Президиумунуң чарлыы-биле «За отличную службу по охране общественного порядка» деп медаль-биле шаннаткан. Тывада бир дугаар ындыг улуг шанналды Алексей Манчырович алган бооп турар. Ынчангаш бистин, чангыс чер-чурттуувустун дириг тоогузу болур Чула Алексей Манчыровичинин амыдыралы аныяктарга, келир уенин, салгалдарынга чижек, чоргаарал болуп артар. #Эрзин85 #БистиңКижилер #ДиригТөөгү #Эрзин #ЛицаКожууна #ИсторияВЛицах