Тываның найысылалынга IV Делегей чергелиг буддизм форумунуң хүннери үш хонук иштинде бо... — 24 августа 2026 г. в 03:21:05.866
Тываның найысылалынга IV Делегей чергелиг буддизм форумунуң хүннери үш хонук иштинде болуп эрткен. Ынчалзажок ооң эң-не чараш кезээ 300 ажыг волонтерлар болган. Россияның булуң-булуңнарындан болгаш Тывадан хөй санныг делегацияларга дузалыг сүмелекчилер болган. Олар янзы-бүрү ажылдарга дузалажып, аалчыларны чүректен көрүп, тываларның эптиг-эвилең чаңын көргүскен. Ол хүннерде Тыва оларга ийиги өргээ болган, волонтерлар аалчыларга ону улуг ынакшыл-биле, чылыг сөстер-биле таныштырып көргүскен. Оларның ачызында форум чоннарның бүгү-ле бот-боттарынга ынакшылы-биле чараш эрткен. Бистиң Эрзин кожуунувус туризм кожууну болгаш, бистер база чонувус-биле ооң чаражынга сагыш сеткил көдурлуп ажылдадывыс. Бистиң чурттакчыларывыстың ачызында дыка хой чараш черлеривисти эде кылган бис. Бистиң кожуунга Даа башкы Ай-Херел ажылдап тургаш, бистиң «Сунрап Гьяцолинг» хүрээвис чаартынып кылдынган. Ол бодунуң билиглерин бистиң хүрээге тыпсып турган — деп Сагдаа Дегелдээевна сактып турар. Ол ам Кызыл хоорайда ажылдап турза-даа, хүрээвистиң ажылдарынга биске дузалажып турар. Бистиң кожууннуң оглу Ай-Херел башкыга улуг өргүл-биле четтирдивис. Ам бистиң «Сунрап Гьяцолинг» хүрээвисте Шактар Лагхва-Сурун Амурович (өзек ады — Гьялцен Тензин) шажынчы кылдыр ажылдап турар. Тыва Республиканың Камбы-Ламазы Гелонг Лоден Шерабтың шээжилели-биле Эрзин кожууннуң Камбы-Ламазы кылдыр томуйлаан. Шажынчы чонувуска, сүзүг-сорукка херектиг кижи бүрүзүнге хурээнин эжиктери ажык. Бистиң кожуунувустун чону сүзүктүг, буддизм кожуунга өзүп, сайзырап турарынга чурттакчыларывыс өөрүп турар бис. Форумнуң эртип турарынга дузалашкан чурттакчы чонувуска, кижи бүрүзүнге четтиргенивисти илередип тур бис!