✨8️⃣5️⃣ Бистиң кижилер. Дириг төөгү✨
✨8️⃣5️⃣ Бистиң кижилер. Дириг төөгү✨ Эрзин кожууннуң 85 харлаанынга таварыштыр «Алдар-сураглыг кижилеривисти чырыдып демдегледивис» деп рубриканы уламчылап, Тыва Республиканың болгаш Эрзин кожууннуң алдарлыг кижилериниң бирээзи, бистиң чаңгыс чер-чурттуувус Аракчаа Саартай Аракчаевнаның күш-ажылчы намдары-биле таныштырар бис. Аракчаа Саартай Аракчаевна 1944 чылда декабрь 2-де Морен суурнуң Ак-Хайыракан өдээнге Шоюнзун Аракчаа Дундукович-биле Чангаарай Янчанмаа Омбуевна оларның өг-бүлезинге дун уруу бооп торүттүнген. 1953 чылда Эрзинниң Сарыг-Булуң школазының 1-ги клазынга өөренип киргеш, 1963 чылда ол-ла школаның 11-ги клазын эки өөредиге-биле дооскан. Ол-ла чылын Эрзинниң Райком комсомолга секретарь-машинакчы кылдыр ажылдап киргеш, бодунуң күш-ажылчы базымын эгелээн. Ынчаарда комсомол райкомнуң секретары Ооржак Анчымаа Донгаковна турган. Ол үеде кожуунга «Урожай» командазы ажылдап турган. Чайгы-кышкы маргылдааларга киржип, эки түңнелдерге чедип шаннап-мактадып чораан. 1966-67 чыларда Кызылдың автошколазынга өөренип, 1967 чылда дооскаш, Эрзин райпо шугумунга чолаачылап киргеш, школа, садиктерге аъш-чем чедирип, СБФ-лардан сүт райпога эккеп, суурларже бараан соортуп ажылдап турган. Кыргылда үезинде малчын бригадалардан, малчыннардан заготконторага дүк чыып ажылдап турган. Ажылдап турган үелеринде бодунуң ажылга кызымаан, шудургу биче-сеткилдии дээш үнеледип чораан. 1970 чылда Кызылдың башкы училищезин дооскаш, ол-ла чылын Морен ясли-садигинге кижизидикчи башкы бооп ажылдап кирген. Эки талазын көргеш, 1982-83 өөредилге чылында Морен ортумак школазынче ажылдаары-биле шилчиткен. Школага күш-ажыл башкызынга ажылдавышаан, интернатка база кижизидикчи башкы ажылынга ажылдап турган. Школаның болгаш сумунуң хөй-ниити ажылдарынга идепкейлиг киржилгези-биле шаннал-макталдарны ап турган. 1992 чылда чоннун сонгулда участогунга ажылдаар кылдыр соңгаан соонда, 2 созыв ишти участок даргалап, багай эвес ажылдап турган. 1999 чылда хүндүлүг дыштанылгаже үнгээш, уруг-дарыының ха-дуңмазының малын өстүрүп малчыннап база чораан. Амгы үеде Кызылда «Мөгүн үем менээ эргим» деп ансамбльде киржип чоруп турар. ТШО-га улуг хуузун киирип, сеткилер аргып, уктар, шлем шитинге кедер борттер, лаалар кылып чорудуп турар. Идепкейлиг ажылы дээш Кызыл хоорайның чагыргазының «Хүндүлүг бижии»-биле шаннаткан. Шанналдары: 1. 6 уругну торээш кижизиткени дээш «Медаль материнства» 2. С. К. Токаның 100 харлаалының юбилейниң медали 3. Ветеран труда 4. Хөй-хөй хүндүлүг бижиктерниң эдилекчизи. 💐 Эрзин кожуунуң удуртулгазының мурнундан өгбевиске Саартай Аракчаевнага узун назынны, өөрүшкүнү, кадыкшылды күзедивис! Рубрика «Алдар сураглыг кижилеривисти чырыдып демдегледивис» уламчылаар. #ЭрзинскийКожуун #85летЭрзинскомуКожууну #БистиңКижилер #ДиригТөөгү #АлдарлыгКижилер #Морен #Тыва