Бөгүн чаңгыс аай бадылаашкын хүнүнүң албан езу түңнелдерин үндүрүп турар. Соңгулдаларга...
Бөгүн чаңгыс аай бадылаашкын хүнүнүң албан езу түңнелдерин үндүрүп турар. Соңгулдаларга киришкениңер дээш шуптуңарга өөрүп четтиргеним илередип тур мен! Чуртувустуң болгаш республикавыстың амыдыралынга сонуургалдыг болуп турарыңарны база хөй-ниити идепкейлиг турушту ээлеп турарыңарны көргүстүңер. Күрүне Думазының депутаттарының соңгулдаларынга «Чаңгыс демниг Россия» үннерниң хөй кезиин алган. Партияның чедип алган түңнели амгы эрге-чагыргага бүзүрелди база көргүзүп турар. Бо соңгулдалар мээң бодумга база чугула соңгулдалар болду. Бир дугаарында, эрткен беш чылда чоруткан ажыл-ижимге үнелел болган. Соңгулда участоктарынга келгеш, мен дээш база командавыс дээш боттарының үнүн берген чаңгыс чер чурттугларывыска сеткилимниң ханызындан өөрүп четтирдим. Ам-даа кылыр ажыл хөй. Мурнувуста улуг орук манап турар. Тываның келир үези дээш кады ажылдаар бис!