🏔 Абхазияла 1992–1993 йылдарҙағы Ватан һуғышында Еңеүҙең 33 йыллығына арналған киң күл...
🏔 Абхазияла 1992–1993 йылдарҙағы Ватан һуғышында Еңеүҙең 33 йыллығына арналған киң күләмле саралар үтте. Байрамдың мәртәбәле ҡунағы булып БР Дәүләт Йыйылышы — Ҡоролтай Рәйесе Андрей Назаров етәкселегендәге Башҡортостандың рәсми делегацияһы ҡатнашты. 🤝 Беҙҙең республиканың был байрамда ҡатнашыуы осраҡлы түгел. Башҡортостан менән Абхазияны күп йыллыҡ дуҫлыҡ һәм тығыҙ хеҙмәттәшлек бәйләй. 🎶 Р. Гумба исемендәге Дәүләт филармонияһында үткән ҙур концертында ойоштороусылар программаның айырым бер өлөшөн Башҡортостан менән дуҫлыҡҡа арнаны һәм һуғыштың ауыр йылдарында республикабыҙ күрһәткән ярҙамды йылылыҡ менән иҫкә алды. Абхазия, Ҡарасай-Черкес һәм Ҡабарҙы-Балҡар республикаларының алдынғы коллективтары менән бер рәттән сәхнәгә Башҡортостан вәкилдәре лә сыҡты. Сибай концерт-театр берекмәһе артистары Башҡортостандың халыҡ артисы Раушан Ниязғолов,Башҡортостандың атҡаҙанған артистары Ғаяз Ғәйетбаев, Айгөл Әсәҙуллина һәм Фәйзи Ғәскәров исемендәге Дәүләт академия халыҡ бейеүҙәре ансамбле солистары сығыш яһаны. 🌟 Сибай артистарының сығышы байрам кисәһенең сағыу биҙәге булды һәм сәнғәт — халыҡтар араһындағы дуҫлыҡты нығытыу өсөн иң яҡшы күпер икәнен йәнә бер ҡат иҫбатланы! 🕊