Дауръем лыдпуссэ пусйиз Ыбдэс гуртысь Ульяна Прокопьева. — 30 сентября 2026 г. в 14:05:01.009
Дауръем лыдпуссэ пусйиз Ыбдэс гуртысь Ульяна Прокопьева. Лыдӟиськыны, гожъяськыны ачиз дышетскиз, школае ветлыны шуд ӧз сюры, ужаны уго кулэ вал. Ульяна Прокопьевна пичи дырысен ик секыт улонэз адӟемын. Пичи нылашлэн нюлэс дасяса, пастухаса, валъёсты сюдыса ик егит дырыз ортчиз. Нюлэс дасямысь бертыса, урамын кузь черодын шыд возьмаса сылӥллям, нош со шыдын кык-куинь картошкаез, но кык-куинь векчи юдэм кубиста куарез вылэм. Нош толалтэ но гужем пыдазы кут дӥсяса ветлэмын, Нюлэскын ужакузы дӥськутсы куасьмыса уг вуы вал ке, озьы ик кот кутэз кутчаса ужаны мыно вылэм. Колхозын ужакуз нюлэскы трактор сьӧры кор ӝутканы ветлэмын. Рядовойын, кунян, ветыл сюдӥсьын, доярка но конюх луыса кема ужаз. Сютэм, макем ёрмыса улонэз адӟемын Уляпай. Нош табере котыраз сюлэмзэ шумпоттыса уло нылыз, 4 внукез и 1 внучкаез, 5 правнучкаез, 6 правнукез, 3 праправнукъёсыз. Юбилееныды тӥледыз, Ульяна Прокопьевна. Вӧзады али сямен ик нылпиосты мед луозы, юн тазалык, вуись нунал шумпотон гинэ мед ваёз.