Убаастабыллаах анал орто үөрэх эйгэтин үлэһиттэрэ, устудьуоннар, педагогическай үлэ ве... — 1 октября 2026 г. в 23:20:33.714
Убаастабыллаах анал орто үөрэх эйгэтин үлэһиттэрэ, устудьуоннар, педагогическай үлэ ветераннара! Эһигини Орто профессиональнай үөрэх күнүнэн эҕэрдэлиибин! Улууспутугар анал орто идэлээх каадырдары бэлэмниир кыһаларынан И.Е. Винокуров аатынан Намнааҕы педагогическай колледж уонна Намнааҕы техникум буолаллар. Педагогтар, производственнай үөрэхтээһин маастардара ыччаттарбытын идэлээх үлэҕэ бэлэмнээһиҥҥэ сүрүн оруолу оонньууллар. Эһиги ыччаттарбытыгар профессиональнай олоххо суолу арыйаҕыт, эһиги көмөҕүтүнэн биһиги дойдубутугар үлэ идэлэрин престижтэрэ улааталлар, дойду экономикатын бары салааларыгар профессиональнай соруктары үрдүк таһымҥа толорор кыахтаах квалификациялаах рабочай каадырдар бэлэмнэнэллэр. Сайдыыга олук уурар анал орто идэни биэрэр олус наадалаах үлэҕит кэскилэ кэҥээтин, үүнэн-сайдан истин! Үлэҕит устудьуоннар, уопсастыба билиниитинэн, махталынан наҕараадаланнын.Тус олоххут дьоллоох-соргулаах буоллун!