Экономика министерствотын специалистара үөрэх ыыттылар
Экономика министерствотын специалистара үөрэх ыыттылар СӨ Экономика министиэристибэтин проектыыр офиһын специалистара Нам улууһун администрациятын, тэрилтэлэрин салайааччыларыгар уонна специалистарыгар анаан анал үөрэх ыыттылар. Департамент стратегическай управлениятын салайааччытын солбуйааччы Петр Сергучев салайааччылаах үс киһилээх бөлөх Ил Дархан Айсен Николаев 9 стратегическай ыйаахтарын олоххо хайдах түргэнник уонна хаачыстыбахтык киллэрэр туһунан үөрэх ыыттылар, практическай көмө оҥордулар. Үөрэх сүрүн сыала — Нам улууһун былааннарын өрөспүүбүлүкэ улахан «Портфель проектов» систематыгар сөпкө холбуурга үөрэтии. Бу үөрэх сүрүн уратытынан уонна уларыйыытынан саҥа ньыма киириитэ буолар. Ол курдук үлэҕэ саҥа сыыппара системата киирэр. Урут былааннар, отчеттар ураты докумуон быһыытынан эрэ ыытыллар буоллахтарына, аны улуус салалтата хас биирдии тутууну, суолу уонна харчы хамсааһынын биир кэлим онлайн-системаҕа күн аайы көрөн олороро ирдэниэҕэ. Туох эмэ хойутуур эбэтэр моһол (проблема) тахсар буоллаҕына, программа бэйэтэ тута «кыһыл уотунан» биллэрэн сэрэтиэҕэ. Бу улуус үлэтин өрөспүүбүлүкэ сүрүн штабын кытта быһаччы сибээстиир. Семинарга нэһилиэктэргэ үлэ миэстэтин таһаарыы, олох таһымын үрдэтии уонна нэһилиэнньэ доходун улаатыннарыы, улуус иһигэр суолу, олохтоох коммунальнай системалары өрөспүүбүлүкэ былааннарын кытта сөп түбэһиннэрэн оҥоруу, саҥа оскуолалары, уһуйааннары, кулууптары уонна балыыһалары тутууну түргэтитии, улуус салалтатын үлэтигэр компьютернай системалары уонна анализтыыр программалары туһаныы уо.д.а. хайысхалары ырыттылар.⤵