🚚🌿🐮 Маалыкай олохтоохторугар буор босхо "Күндээдэ" АО тарбыйахтарын түҥэттилэр — 15 июля 2026 г. в 08:25:00.710
🚚🌿🐮 Маалыкай олохтоохторугар буор босхо "Күндээдэ" АО тарбыйахтарын түҥэттилэр "Күндээдэ" тэрилтэ тыа хаһаайыстыбатын сайыннарар сыалтан, оройуон дьаһалтатын уонна оройуон тыа хаһаайыстыбатын департаменын кытта сүбэлэһэн, быйылгы төрүөх ньирэйдэри нэһилиэктэринэн буор босхо түҥэттилэр. Уопсайа 200-чэ төбө түҥэтилиннэ. Ол курдук, от ыйын 14 күнүгэр Бордоҥ нэһилиэгин, сүөһү төрдө оҥостуох баҕалаах, эрдэттэн сайаапкаалаах олохтоохторугар уопсайа 26 төбө кэлэн түҥэтилиннэ. Ньирэйдэри "Күндээдэ" АО сайылыгыттан Андрей Семенович Харитонов чааһынай массыынатынан тиэйэн аҕалан биэрдэ. Андрей Семенович Бордоҥ нэһилиэгин дьаһалтатын көрдөһүүтүн хаһан да быһа гыммакка үлэлэспитэ ыраатта, кууруссаны, бурдугу уонна да атын таһаҕаһы таһар. Уһун суолу айаннаан кэлбит ньирэйдэр туруктара үчүгэй, айаны этэҥҥэ тулуйан кэлэн номнуо саҥа дьиэлэрин буллулар. Билигин сыана ыарыы турар кэмигэр, кэтэх хаһаайыстыбалаах уонна сүөһү төрдө оҥостор хас биирдии тыа ыалыгар буор босхо тарбыйах түҥэтэллэрэ улахан көмө буолара саарбаҕа суох. Түгэнинэн туһанан "Күндээдэ" АО салайааччытыгар Семен Николаевич Николаевка, оройуон даһалтатыгар уонна тыа хаһаайыстыбатын департаменыгар Бордоҥ нэһилиэгин олохтоохторун аатыттан махталбытын биллэрэбит. ✍🏻 Бордоҥ нэһилиэгин дьаһалтата. @gazetanyurba @ulusmedia