Ньурба куорат Ааспыт нэдиэлэҕэ диспетчерскэй сулуус... — 3 августа 2026 г. в 08:29:08.922
Ньурба куорат Ааспыт нэдиэлэҕэ диспетчерскэй сулууспаҕа 18 сайаапка киирдэ. Куорат хаһаайыстыбата былааннаахтык үлэлиир. Уулуссалары ыраастааһын саҕаланна, уот баҕаналара туруоруллуохтара. Дьоно көһөрүллүбүт 10 эргэ дьиэни көтүрүүнү куонкурска таһаарыахтара. Куорат киин уулуссаларыгар киирэн холбоһор ойоҕос уулуссалары асфальтыырга ПСД үлэтэ бүттэ, эспэртиисэтин ааста. «Набережнай» буровой үлэтин 90%-на бүттэ, сыбааркалыыр үлэ барар. «Уһук Илиҥҥэ 1000 олбуор» бырайыагынан Пионерскай уул. 67№-гэр үлэ барыаҕа, биригээдэ кэллэ, матырыйаала кэлиэхтээх. Куорат стелатыгар тимир сэргэ турар 4 сыбаайатын РЭС көмөтүнэн түһэрдилэр. Сэбиэскэй уокурук успорт былаһааккатын сирин бетоннууурга бэлэмнииллэр, былаһаакка оборудованиета сакаастаммыт. Спортивнай оонньууларга бэлэмнэнии чэрчитинэн хас чэппиэр аайы субуотунньуктар ыытыллаллар. Улуус дьаһалтатын пресс-сулууспата.