🚌 Кистэл буолбатах, кэнники кэмҥэ АТП тэрилтэтэ элбэх кыһалҕаны көрүстэ. Манна төрүөтэ... — 10 сентября 2026 г. в 05:29:33.482
🚌 Кистэл буолбатах, кэнники кэмҥэ АТП тэрилтэтэ элбэх кыһалҕаны көрүстэ. Манна төрүөтэ элбэх дьон автобуһунан сылдьыбат буолуута, тырааныспар эргэриитэ, үбүлээһин кыччааһына, суоппар тиийбэт буолуута уо.д.а. Бу социальнай хайысхалаах тэрилтэ буолан улуус бюджетыттан үбүлэнэн олорор, дьон айан иһин төлүүр харчыта тэрилтэ үлэлиир күүһүн толуйбат. Маны тэҥэ, дьаһалта айан сыанатын Ньурба иһигэр эмиэ быһаччы дьаһалынан үрдэппэккэ 40 солк. тутан олорор. Атын улуустарга автобустар 65 солк тиийэ дьону таһаллар. Билиҥҥи туругунан Ньурба – Антоновка – Ньурба хайысханан биир автобус сылдьар, эргийэн кэлэр бириэмэтэ 1 чаас. Бу күннэргэ биһиэхэ редакцияҕа автобус сырыытыгар уларытыы киллэрэр ис хоһоонноох туруорсуу сурук кэлбитэ (саайтка киирэн билсиҥ ис хоһоонун). Эдуард Мярикянов, улуус баһылыгын солбуйааччыта: -Тэрилтэ салгыы маннык суолунан барара сатамматын өйдөөн, үөрэтэн көрөн баран, организационнай-правовой форматын уларытан МУП-тан МАУ-га көһөрөр туһунан быһаарыныы ылынныбыт. Уонна Дьокуускай куорат дьону таһар тырааныспар тэрилтэтин үлэтин курдук тэрийиэхпит. Ол эбэтэр, бу сыл алтынньы 1 күнүттэн автобус маршруттара урбаанньыттарга бэриллиэхтэрэ, Ньурба – Антоновка – Ньурба хайысханан 3 дьону таһар автобус сылдьар буолуоҕа. АТП салайааччытынан Василий Федотов ананна. ✍🏻 Лена Петрова 🔗 Сиһилии саайтка ааҕыҥ https://огнинюрбы.рф/nurbaҕa-donu-taһar-avtobus-dylҕata-hajdah-buolla/