МН

МР «Нюрбинский район»

Госорганы и учреждения · 17 сентября 2026 г.

Открыть канал в MAX

Амакинка уокуругун олохтоохторо 2 учаастагынан быыбардыахтара

Амакинка уокуругун олохтоохторо 2 учаастагынан быыбардыахтара Билигин быыбар хамыыһыйаларын өттүттэн быыбары тэрийэн ыытарга бэлэмнэнии бүтэһик түһүмэҕэ. Балаҕан ыйын 16 күнүгэр Амакинкатааҕы биир мандаттаах уокурукка быыбары тэрийэр учаастактардааҕы 2 хамыыһыйа (УИК) чилиэннэригэр үөрэтэр сэминээр-сүбэ мунньах буолла. Биллэрин курдук, Амакинка уокуругар РФ Госдуматын дьокутаатын быыбарын кытта тэҥҥэ муниципальнай самалык быыбара – улуус Сүбэтин дьокутаатын таларга ыытыллар. УИК-тар чилиэннэригэр манна аналлаах үөрэх тэрилиннэ. Быйыл Ньурба куоракка быыбардыыр уокуруктар кыраныыссаларыгар уларыйыы тахсыбыта. Амакинкатааҕы уокурукка олорор дьон икки учаастакка арахсан быыбардыыллар. 403 №-дээх УИК – Ньурбатааҕы тыйаатырга уонна 405 №-дээх УИК «Олимп» спорт комплексыгар үлэлииллэр. 403 №-дээх УИК бэрэссэдээтэлэ – Шадрина Юлия Васильевна, төл. №-рэ – 8-(41134)-42400. 405 №-дээх быыбар хамыыһыйатын бэрэссэдэтээлэ – Наумова Татьяна Афанасьевна, төл. №-рэ – 8-(41134)-20126. Амакинка уокуругун олохтоохторо быыбарга олорор аадырыстарынан ханнык быыбар учаастагар тиийэн куоластыылларын билиһиннэрэбит. Улуус дьаһалтатын пресс-сулууспата.