Бүгүн сарсыарда дойду үрдүнэн РФ Госдуматын 3 күннээх быыбара саҕаланна. Оруобуна 8 чаа...
Бүгүн сарсыарда дойду үрдүнэн РФ Госдуматын 3 күннээх быыбара саҕаланна. Оруобуна 8 чаастан улууска үлэлиир 27 бастайааннай быыбар учаастактааҕы хамыыһыйаларын дьиэлэрэ тэлэччи аһылыннылар. Октябрьскай нэһилиэк 406 N-дээх быыбардыыр учаастагар 8 чааска биир бастакынан улуус баһылыга Алексей Иннокентьев куоластаата. Албан ааттаах Арассыыйа Дьоруойа Андрей Григорьев – Тута эмиэ бэйэтин гражданскай эбээһинэһин быыбар бастакы күнүгэр биир бастакынан толордо. РФ Госдуматын быыбарын кытта сэргэ 8 №-дээх Амакинкатааҕы биир мандаттаах уокуруктан улуус Сүбэтин дьокутаатын быыбара ыытылла турар. Онно урукку Амакинкатааҕы 403 №-дээх учаастак быыбардааччылара куоластыыллар. Испииһэккэ 507 быыбардааччы баар. Ньурба улууһугар бу курдук быыбар бастакы күнэ сарсыардаттан тэтимнээхтик саҕаланна, урукку дьылларга холоотоххо дьон олус көхтөөҕө бэлиэтэннэ. Санатар буоллахха улуус үрдүнэн 16806 быыбардааччы баар. Куоластааһын салҕанар. Ньурба улууһун дьаһалтатын пресс-сулууспата.