Арассыыйаҕа Иитээччи күнүнэн!
Арассыыйаҕа Иитээччи күнүнэн! "Ньурба оройуона" муниципальнай оройуон дьаһалтатын уонна оройуон дьокутааттарын Сүбэтин аатыттан оҕо уһуйааннарын үлэһиттэрин уонна бэтэрээннэрин балаҕан ыйын 27 күнүгэр дойду үрдүнэн бэлиэтэнэр идэлээх бырааһынньыккытынан итиитик-истиҥник эҕэрдэлиибит! Биһиги кырачааннарбытын көрө-истэ, иитэ-үөрэтэ сылдьар үтүө аналлаах үлэҕитин үрдүктүк сыаналыыбыт. Оҕо төрөппүттэригэр, чугас дьонугар, төрөөбүт дойдутугар таптала уонна ытыктабыла, аҕа саастаах дьоҥҥо болҕомтолоох уонна ытыктабыллаах сыһыана, үлэҕэ суолта биэриитэ, үлэ бастакы үөрүйэхтэрин иҥэриитэ - бу барыта олус наадалаах хаачыстыбалар. Мантан дойдубут инникитэ быһаччы тутулуктаах. Онуоха төрөппүттэри кытта эһиги бииргэ олук уурсааччынан буолаҕыт. Улуус салалтата үөрэх тэрилтэлэрин матырыйаалынай-тэхиниичэскэй базатын тупсарыыга ахсаабат болҕомтотун уурар. Ытыктабыллаах иитээччилэр уонна оскуола иннинээҕи үөрэхтээһин бары үлэһиттэрэ, бэтэрээннэрэ! Эһиэхэ баҕарабыт түбүктээх уонна эппиэттээх үлэҕитигэр салгыы ситиһиилэри, чэгиэн-чэбдик доруобуйаны, үгүс үөрүүнү-көтүүнү, тус олоххутугар дьолу-соргуну уонна табыллыыны! "Ньурба оройуона" МО баһылыга А.М.ИННОКЕНТЬЕВ. "Ньурба оройуона" МО дьокутааттарын Сүбэтин бэрэссэдээтэлэ Н.М.МИХАЙЛОВА. https://t.me/glavanyurbainnokentev/8368