🔆Күн тахсар Күндээдэбитигэр нэһилиэкпит тас көрүҥүн тупсарыы, тутуулар хаамыыларын туһ...
🔆Күн тахсар Күндээдэбитигэр нэһилиэкпит тас көрүҥүн тупсарыы, тутуулар хаамыыларын туһунан иһитиннэрии: 🔅ППМИ-2026 бырыгыраама чэрчитинэн быйыл Мини-парк оҥоһуллар сирэ-уота уопсай субботнигынан ыраастанна. Бастакы этап тутуута түмүктэннэ. Бу үлэни подрядчигынан ИП «Пахомов Валерий Нестерович» ылсан анал хамыыһыйаҕа алтынньы ый 5 күнүгэр үлэтин туттарда. Проект уопсай сууммата 1832999,00 солк., ол иһигэр нэһилиэк уопсай мунньаҕын быһаарыытынан хас биирдии ыалтан 2000 солк.хомуйуллубута. Ити этиллибит суумма Мини-паркабыт бастакы этабыгар, чуолкайдаан эттэххэ буор кутуллан, сирэ дэхсилэнэн, үс араас өҥнөөх плита, бордюр ууруллуута, профильнай тимир турбаларынан күрүөтэ, оҥоһуллан сөпсөстө. Мини-паркабыт салҕыы проект быһыытынан ситэриллэн-хоторуллан тупсаҕай көрүҥнэнэригэр эһиилги ППМИ бырагыраамаҕа киирсэргэ үлэлэһиэхпит диэн бигэ эрэллээхпит. Манна быһааран эттэххэ проект иккис этабыгар навес, амфитеатр, скамейкалар, урналар, хачыал оҥоруутун, уот-күөс тардыытын үлэлэрэ киириэхтэрэ. 🔅Быйылгыттан Бүлүү эбэбититтэн тахсыы биэрэгиттэн саҕалаан федеральнай суолга асфальт тэлгэтиитин үлэтэ күргүөмнээхтик ыытыллынна. ООО “Айан Суол” (Крыжановскай В.В.) тэрилтэ ылсан быйылгы былаанынан 2 км усталаах асфальт ууруутун үлэтин түмүктээн эрэр, анал хамыыһыйа тахсан тутуһара күүтүллэр. Эһиил, 2027 сылга, салҕыы 4км усталаах асфальт ууруллуоҕа. 🔅Спортивнай саалабыт тутуута ООО «Масстрой” (Торохов В.А.) ылсан харҕастара суох бара турар. Нэдиэлэ саҕаланыытыгар оройуоммут аҕа баһылыга Алексей Михайлович Иннокентьев бу эбийиэккэ үлэ хаамыытын билсэн, үлэ 36% ыытыллыбытын, 2027 сыл сааһыгар түмүктэниэхтээҕин бэлиэтээбитэ. 🔅Нэһилиэкпит саамай көстүүлээх сиригэр арболитовай уопсай иннигэр турбут эргэ хочуоҥканы нэһилиэк эр дьоно субботнигынан көтүрэн, миэстэтин ыраастаан, күттэрэн тупсарыы (озеление) чэрчитинэн оройуон үбүлээһининэн көрүллүбүт харчынан ылыллыбыт хаптаһын, буруус маһынан 12м*40м иэннээх күрүө тутулунна, саас кырааскаланыа. Бу тутуу эһиил буолуохтаах СӨ норуоттарын IX-с спортивнай оонньууларыгар анаан мас олордорго ананыа. Олохтоох дьаһалта.