📍📍 Ньурба к.
📍📍 Ньурба к. Пааркаҕа IX Cпортивнай оонньууларга бэлэмнэнии үлэтэ саҕаланна. Урбаанньыт Е.Н.Захаровы кэпсэтэн 4 туалет тутуллуохтаах дьаамаларан хастардылар. Саҥа хорчуоппа павильоннара туруохтаах сиригэр биинтэлии сыбаайалары эрийэн саҕалаатылар. Сэлээркэ кырыымчык буолан, уулуссалары тэҥнииргэ бытаарыы тахсар. Иэс сэлээркэ булан Пионерскай уулуссаҕа ямочнай өрөмүөн ыытылынна, син тубуста. «Сахателекоммуникациялар» ХЭТ Мииринэй өттүттэн Дьокуускайга диэри саҥа оптоволокно линиятын тардар. Мэрия «АрктикТелеком» тэрилтэни кытта кэпсэтэн, линия Комсомольскай уулуссанан барыахтаах. Атын оператордар киирдэхтэринэ сыана түһүөҕэ. Сунтаарга безлимит Интернет эрдэ 3500-4000 солк. буоллаҕына, билигин лаппа түспүт. Мэрия саҥа оптоволокноҕа уот баҕанатын босхо биэрэр, онон сыана түһүөхтээх. Баһаартан эмсэҕэлээбит Кузаков уул. 30 №-дээх дьиэтигэр фасад утеплениетын саҕалаатылар. «Саха Билд» ХЭТ биригээдэтэ умайбыт полистиролун көтүрэр уонна саҥаттан оҥорор. Өрөмүөн уопсай сууматын симиэтэтэ оҥоһулла сылдьар, быһа холоон ааҕан көрбүттэрэ – 28,8 мөл. солк. Дьиэ штукатуркаланан уонна кырааскаланан, Кузаков уул. «Саха Билд» туппут дьиэлэрин курдук тас көстүүлээх буолуохтаах. Чэппиэр аайы субуотунньуктар буолаллар. Бу чэппиэргэ 10 чаастан РЭС уонна полиция отделын икки ардыгар көтүрүллүбүт эргэ тэпилииссэлэри тиэйэн сыбаалкаҕа таһаарыахтаахтар. Онон Ньурба куорат дьаһалтата спецтехникалаах тэрилтэлэри субуотунньукка көхтөөхтүк кыттарга ыҥырар. Улуус дьаһалтатын пресс-сулууспата.