ВАСИЛИЙ ФЕДОРОВИЧ НЕХОРУКОВ - ДЫЛБАНЫ ТӨРӨӨБҮТЭ 80 СЫЛА
ВАСИЛИЙ ФЕДОРОВИЧ НЕХОРУКОВ - ДЫЛБАНЫ ТӨРӨӨБҮТЭ 80 СЫЛА ОҔО СААҺА: Василий Нехоруков Ньурба оройуонун Дьаархан нэһилиэгэр 1946 с. төрөөбүтэ. Соҕотох аҕа сэттэ оҕотун тыа сирин дьарыгар сыһыаран ииппит, төһө кыалларынан интэринээтинэн-ыалынан олордуталаан үөрэттэрбит. Василий Федорович аҕатыгар анаан суруйбут хоһоонун киэҥ эйгэҕэ иһитиннэрэбит: Аҕабар Кыһынын: Оо, аҕам барахсан! Таһаҕас тиэйэн кэлэргин кэтэһэн, Атыҥ туйаҕын тыаһын истээри, Сыарҕаҥ ыйылыырын иһиллэри: Амырыын туманнаах тымныыга, Ырдьаччы тоҥуохпар диэритин, Сыгынньах, төбөбүн тоҥорон, Тыһыргыыр кулгаахпын имитэн, Төһөлөөх таһырдьа сүүрбүтүм буолуоҕай? Сайынын: Оо, аҕам барахсан! Оттоон, балыктаан кэлэргин кэтэһэн, Өрүскэ эрдии тыаһын истээри, Көхсүҥ кыыкыныырын иһиллээри: Күнүһүн өҥүрүк куйааска, Көлөһүн - балаһын алламмын, Киэһэтин тумарык тумаҥҥа, Бырдахха - кумаарга сиэтэммин, Төһөлөөх биэрэккэ киирбитим буолуоҕай? Күһүнүн: Оо, аҕам барахсан! Бултуйан, кустаан кэлэргин кэтэһэн, Атах сырдыргыыр тыаһын истээри, Күүскэ сөтөллөргүн иһиллээри: Ардахтаах инчэҕэй күннэргэ, Силбиккэ илийэн, сытыйан, Балысхан хараҥа халлааҥҥа Ыйынан аартыгы сырдатан, Төһөлөөх одуулуу турбутум буолуоҕай? Сааһыары: Оо, аҕам барахсан! Айантан сотору кэлэрин кэтэһэн, Хаһан биллэр сураххын истээри, Билэр дьон саҥатын иһиллээри: Өрүс халаанныыр кэмигэр, Ырааҕы-чугаһы билбэккэ, Балысхан ууттан сэрэммэккэ, Тиритэ-хорута, ыксаллык, Төһөлөөх сиринэн тиэһинним буолуоҕай? Сиһилии бу сигэнэн ааҕыҥ ⬇️⬇️⬇️ https://lib.nrbr.ru/vasilij-fedorovich-nehorukov-dylbany-t%d3%a9r%d3%a9%d3%a9b%d2%afte-80-syla
Канал в каталоге Максиметера
284 подписчиков · Госорганы и учреждения