Администрация МР "Оленекский эвенкийский национальный район"
Политика · 23 октября 2026 г.
Алтынньы ый 22 күнүгэр, Өлөөн орто оскуолатын 7"б" кылааһын үөрэнээччилэрэ оскуола оҕо...
Алтынньы ый 22 күнүгэр, Өлөөн орто оскуолатын 7"б" кылааһын үөрэнээччилэрэ оскуола оҕолоругар профориентационнай үлэ чэрчитинэн Өлөөн оройуонун дьаһалтатын дьиэтигэр ыалдьыттаатылар.Дьаһалта дьыалаларын салайааччыта Д.М.Алексеева оҕолору дьаһалта отделларынан сырытыннаран хайдах үлэ барарын көрдөрдө.Оройуон баһылыгын э.т. Ю.С.Ефимов оҕолорго легальнай үлэ диэн тугун кэпсээтэ, оннук үлэлиир дьоҥҥо сокуонунан көрүллүбүт хамнас ааҕылларын, уоппуска,босхо бырайыас уо.д.а.өҥөлөр судаарыстыбанан көрүллэрин билиһиннэрдэ.Төрөппүт көҥүллүүр буоллаҕына, 14 саастарыттан каникулларыгар быстах кэмҥэ араас хайысханан үлэлиэхтэрэ сөбүн эттэ.Бу маннык профориентационнай үлэ инникитин сүрдээх наадалаах буолар. Бу оҕолортон ким эрэ кэнэҕэскитин бүгүн дьаһалта отделларыгар үлэлии олорор салайааччылар курдук дьон үүнэн тахсыахтара диэн эрэнэбит.Ону биһиги бу оҕолортон бүгүҥҥү мероприятияттан төбөлөрүгэр туох санаалар хаалбыттарыттан,төрөөбүт сиргэ туһалаах буоларга баҕа санаа үөскээбититтэн кэнэҕэскитин көрүөхпүт турдаҕа.Бүгүн дьаһалтаҕа ыалдьыттаабыт оҕолорго ити оройуон дьаһалтатын көрүдүөрүгэр ыйанан кэчигирээн турар урукку баһылыктарбыт хаартыскалара холобур буолан көстүбүтэ саарбаҕа суох. Оройуон дьаһалтатын пресс-сулууспата.