Үтүөнү тарҕатан, кыһамньыны бэлэхтээн: Ытык Күөлгэ Социальнай үлэһит күнүгэр аналлаах ү... — 11 июня 2026 г. в 02:01:42.735
Үтүөнү тарҕатан, кыһамньыны бэлэхтээн: Ытык Күөлгэ Социальнай үлэһит күнүгэр аналлаах үөрүүлээх тэрээһин буолан ааста 🌿А.Э. Кулаковскай аатынан сквергэ «Таатта улууһун нэһилиэнньэни социальнай көмүскээһин комплекснай киинэ» тэрийиитинэн улууспут олохтоохторугар уонна ыалдьыттарыгар анаан олус истиҥ, чаҕылхай бырааһынньык буолла. ✨ «Үтүөнү тарҕатыы — кыһамньыны бэлэхтээһин!» диэн олус дириҥ суолталаах девиһинэн салайтаран, күннээҕи олоххо атыттарга күүс-көмө буолар сыралаах үлэлээх дьоммутун — социальнай үлэһиттэри чиэстээтилэр уонна кинилэргэ анаан эҕэрдэ кэнсиэрин бэлэхтээтилэр. Бырааһынньык чэрчитинэн элбэх туһалаах уонна интэриэһинэй дьарыктар ыытылыннылар: 🎨 «Мас Туой» дьиэ кэргэн арт-мастерскойун ураты маастар-кылааһа дьону угуйда. 💼 Аһаҕас аан күнэ тэриллэн, комплекснай киин исписэлиистэрэ баҕалаах дьоҥҥо босхо туһалаах сүбэ-ама (консультация) биэрдилэр. 🛍 «Биһиги бииргэбит!» аһымал санаа быыстапка-дьаармарката үгүс дьону түмтэ. Саамай үөрүүлээҕэ — бу быыстапка-дьаармаркаҕа киирбит үп-харчы икки олус дьоһун, ытык суолга туһуланыаҕа: 1️⃣ Сахабыт маанылаах Моҕол ураһатын чөлүгэр түһэриигэ; 2️⃣ Анал байыаннай дьайыы кыттыылаахтарыгар (СВО) көмө оҥорууга. Күндү Таатта олохтоохторо уонна ыалдьыттара! Бу үтүө дьыалаҕа кыттыспыт, аһымал аакцияҕа ис сүрэхтэн өйөөбүт хас биирдии киһиэхэ барҕа махталбытын тиэрдэбит! Үтүө дьыала уонна истиҥ кыһамньы мэлдьи үүнэ-сайда турдун! @taattaadm