БААЙАҔА СУОЛУН ЧӨЛҮГЭР ТҮҺЭРИИ ҮЛЭЛЭРЭ СУҺАЛЛЫК САҔАЛАНАР БУОЛЛУЛАР — 4 июня 2026 г. в 10:46:23.827
БААЙАҔА СУОЛУН ЧӨЛҮГЭР ТҮҺЭРИИ ҮЛЭЛЭРЭ СУҺАЛЛЫК САҔАЛАНАР БУОЛЛУЛАР 🌀Баайаҕа нэһилиэгин улуус киинин кытары ситимниир айан суолугар уустук балаһыанньа үөскээбитэ. Тымыр үрэхтэр уонна ойуур уута таһынан тахсаннар, суол икки сиринэн улаханнык быһа охсуллан, айан сырыыта бохсуллубута. Бу кыһалҕаны суһаллык быһаарар туһуттан, бүгүн Таатта улууһун баһылыга Айаал Бурцев СӨ тыраанспар уонна суол хаһаайыстыбатын миниистирэ Владимир Сивцевка тус сырытта. Көрсүһүү кэмигэр суолу чөлүгэр түһэрии боппуруоһа сиһилии ырытылынна. Көрсүһүү түмүгүнэн, миниистир Владимир Сивцев «Өрөспүүбүлүкэ суолларын управлениета» КУ салайааччыта А.М. Яндиевка суолу өрөмүөннүүр үлэни күн сарсын, бэс ыйын 5 күнүттэн, саҕалыырга дьаһал биэрдэ. Бу күннэргэ министиэристибэттэн анал куратор кэлэн, балаһыанньаны миэстэтигэр билсэн, алдьаныы таһымын сыаналаан барбыта. Ол түмүгүнэн тиэхиньикэ уонна үлэ күүһүн туһаайар былаан оҥоһуллубута. 🌀Санатан эттэххэ, Баайаҕа – Ытык Күөл айан суола өрөспүүбүлүкэ бас билиитигэр бэриллибитэ. Бу уларыйыы суол туругун тупсарарга уонна маннык ыксаллаах быһыыга-майгыга өрөспүүбүлүкэ суһал көмөҕө кэлэригэр кыаҕы биэрэр. Нэһилиэктэр икки ардыларыгар айан куттал суох буоларын туһугар үлэ күүскэ барыаҕа. @taattaadm