Улууска тутуу боппуруостара: Айаал Бурцев СӨ тутууга миниистирин кытары көрүстэ — 19 июня 2026 г. в 05:18:54.175
Улууска тутуу боппуруостара: Айаал Бурцев СӨ тутууга миниистирин кытары көрүстэ 🏗️Бу күннэргэ Таатта улууһун баһылыга Айаал Бурцев Саха Өрөспүүбүлүкэтин тутууга миниистирэ Виктор Романовтыын уонна Тутуу департаменын үлэһиттэрин кытары көрсөн, үлэ сүнньүнэн дьоһуннаах кэпсэтиилэри ыыттылар. Көрсүһүү кэмигэр улууспут социальнай инфраструктуратын сайдыытыгар туһуламмыт хас да сүрүн уонна сытыы боппуруос ырытылыннылар. Ол курдук Булуҥ нэһилиэгэр 100 миэстэлээх, тутулла турар саҥа уһуйаан үлэтин хаамыытын, үбүлээһинин уонна былааннаммыт кэмигэр этэҥҥэ үлэҕэ киллэрии соруктарын чопчулаатылар. Тулаайах оҕолору олорор дьиэнэн хааччыйыы хаамыытын дьүүллэстилэр. Амма нэһилиэгэр хаарбах дьиэттэн көһөрүү бырагыраамата, олохтоохтору хаачыстыбалаах, саҥа олорор сиринэн хааччыйыыга ыытылла турар тутуу былааннарын сиһилии кэпсэттилэр. Көрүсүһүү түмүгүнэн хас биирдии боппуруоһу хонтуруолга тутан, тутуу үлэлэрин кэмигэр уонна үрдүк таһымнаахтык толорорго соруктар туруорулуннулар. Улууспут тупсарын, саҥа тутуулар этэҥҥэ үлэҕэ киирэллэрин туһугар үлэ күүскэ барар. @taattaadm